हीरो स्प्लेंडरची ऑगस्टमध्ये 3.53 लाख युनिट्सची विक्री, कंपनीच्या सर्व मॉडेल्सना ग्राहकांची पसंती

देशातील आघाडीची टू व्हीलर कंपनी हीरो मोटोकॉर्पने ऑगस्ट 2026 च्या विक्री आकडेवारीत पुन्हा एकदा बाजारावरची पकड सिद्ध केली आहे. परवडणारी किंमत, चांगला मायलेज आणि नव्या फीचर्समुळे कंपनीच्या वेगवेगळ्या मॉडेल्सना ग्राहकांचा उत्तम प्रतिसाद मिळाला आहे. यात नेहमीप्रमाणे हीरो स्प्लेंडर या बाईकने सर्वाधिक विक्रीचा टप्पा गाठत पहिला नंबर कायम राखला आहे.

ऑगस्ट महिन्यात हीरो स्प्लेंडरच्या तब्बल 3,53,842 युनिट्सची विक्री झाली आणि या बाईकने विक्रीच्या यादीत अव्वल स्थान पटकावले. या बाईकची किंमत 78,000 रुपयांपासून सुरू होते. यात डिजिटल कन्सोल, यूएसबी चार्जर आणि आय-थ्री एस (i3S) हे तंत्रज्ञान देण्यात आले आहे. स्प्लेंडरमध्ये 97.2 सीसीचे इंजिन असून हे इंजिन 65 ते 70 किमी प्रति लिटर इतका मायलेज देते.

बजेट सेगमेंटमध्ये हीरो एचएफ डीलक्स या बाईकने दुसरा क्रमांक पटकावला असून या मॉडेलचे 69,794 युनिट्स ग्राहकांनी खरेदी केले. या बाईकची किंमत 59,477 रुपयांपासून सुरू होते. हलकी डिझाईन आणि 65 किमी प्रति लिटर इतका मायलेज हे या मॉडेलचे वैशिष्ट्य आहे.

प्रीमियम स्कूटर सेगमेंटमध्ये हीरो डेस्टिनी 125 या मॉडेलला 29,737 नवे ग्राहक मिळाले. या स्कूटरची किंमत 79,338 रुपयांपासून सुरू होते. यात ब्लूटूथ कनेक्टिव्हिटी आणि बूट लाईट देण्यात आली असून हे मॉडेल 45 ते 50 किमी प्रति लिटर मायलेज देते.

कंपनीच्या इलेक्ट्रिक वाहनांमध्येही चांगला वाढला ग्राहकांचा कल दिसून आला. हीरो विडा व्ही1 या इलेक्ट्रिक स्कूटरच्या 25,558 युनिट्सची विक्री झाली. या ई-स्कूटरची किंमत 1,19,900 रुपयांपासून सुरू होते. यात 7 इंचाचा टचस्क्रीन असून एका चार्जवर 110 ते 140 किमी इतकी रिअल-वर्ल्ड रेंज मिळते.

स्टायलिश लूकसाठी ओळखल्या जाणाऱ्या हीरो पॅशन या बाईकच्या 15,245 युनिट्सची विक्री झाली. या मॉडेलची किंमत 80,273 रुपयांपासून सुरू होते आणि हे मॉडेल 55 ते 60 किमी प्रति लिटर मायलेज देते.

तरुण ग्राहकांमध्ये लोकप्रिय असलेल्या हीरो एक्सट्रीम 125आर या स्पोर्टी बाईकच्या 13,131 युनिट्सची विक्री झाली. या मॉडेलची किंमत 91,500 रुपयांपासून सुरू होते. यात सिंगल-चॅनल एबीएस देण्यात आले असून हे मॉडेल 60 किमी प्रति लिटर मायलेज देते.

बजेट कम्युटर बाईक्सपासून ते आधुनिक इलेक्ट्रिक स्कूटर्सपर्यंत ऑगस्ट 2026 मध्ये हीरो कंपनीच्या सर्वच सेगमेंटमधील वाहनांना ग्राहकांचा भरघोस प्रतिसाद मिळाला. परवडणारी किंमत आणि दमदार फीचर्समुळे हीरो मोटोकॉर्प अजूनही ग्राहकांची पहिली पसंती ठरत आहे.