Vi चे चार नवे व्हॉईस-ओन्ली रिचार्ज प्लॅन आले, सर्वात स्वस्त प्लॅन 179 रुपयांचा

भारतातील टेलिकॉम कंपनी Vodafone Idea (Vi) ने आपल्या ग्राहकांसाठी चार नवे व्हॉईस-ओन्ली रिचार्ज प्लॅन आणले आहेत. टेलिकॉम रेगुलेटरी अथॉरिटी ऑफ इंडिया (TRAI) ने अलीकडेच जारी केलेल्या आदेशांचे पालन करून कंपनीने हे प्लॅन सुरू केले आहेत. कंपनीने ते आपल्या वेबसाईटवरही लाईव्ह केले आहेत.

ट्रायने अलीकडेच टेलिकॉम कंपन्यांना व्हॉईस-ओन्ली रिचार्ज प्लॅन सुरू करण्याचे आदेश दिले होते. या प्लॅनमध्ये डेटाचा समावेश नसेल. या आदेशाचे पालन करत आता टेलिकॉम कंपन्यांनी असे प्लॅन आणायला सुरुवात केली आहे आणि Vi ने त्यात पाऊल टाकले आहे.

Vi च्या या चार नव्या प्लॅनमध्ये सर्वात स्वस्त व्हॉईस-ओन्ली पॅक 179 रुपयांचा आहे, तर सर्वात महाग पॅक 206 रुपयांचा आहे. आता प्रत्येक प्लॅनमध्ये काय मिळते ते पाहू.

कंपनीने आणलेला सर्वात स्वस्त प्लॅन 179 रुपयांचा आहे. या प्लॅनमध्ये अनलिमिटेड कॉल्स मिळतात. त्याची व्हॅलिडीटी 25 दिवसांची आहे आणि एकूण 300 एसएमएस मिळणार आहेत. याशिवाय या प्लॅनमध्ये Vi मुव्हिज अँड टिव्ही ॲपचा ॲक्सेसही मिळणार आहे. त्यामुळे सब्सक्राइबर्सना मोफत कंटेट स्ट्रीम करता येईल.

दुसऱ्या रिचार्ज प्लॅनची किंमत 189 रुपये आहे. यात ग्राहकांना अनलिमिटेड कॉलिंग आणि 300 एसएमएसचे फायदे मिळतील. या प्लॅनची व्हॅलिडीटी 28 दिवसांची आहे. मात्र कंपनीच्या या प्लॅनमध्ये Vi मुव्हिज अँड टिव्ही ॲपचा ॲक्सेस दिला जात नाही.

तिसऱ्या रिचार्ज प्लॅनची किंमत 203 रुपये आहे. त्याची व्हॅलिडीटी 30 दिवसांची आहे. कंपनीच्या या प्लॅनमध्ये वापरकर्त्यांना अनलिमिटेड कॉलिंग आणि एसएमएस कोटा दिला जातो.

Vi चा सर्वात महाग रिचार्ज प्लॅन 206 रुपयांचा आहे. त्यात पूर्ण एका महिन्याची व्हॅलिडीटी मिळणार आहे. या प्लॅनमध्ये अनलिमिटेड कॉलिंग आणि 300 एसएमएसचा कोटाही मिळणार आहे. 189 रुपये आणि 203 रुपयांच्या पॅकप्रमाणेच 206 रुपयांच्या पॅकमध्येही 'Vi मुव्हिज अँड टिव्ही' ॲपचा ॲक्सेस समाविष्ट नाही.

थोडक्यात, चारही प्लॅनमध्ये अनलिमिटेड कॉलिंग आहे आणि ट्रायच्या आदेशानुसार हे व्हॉईस-ओन्ली प्लॅन आहेत. फरक आहे तो किंमत, व्हॅलिडीटी आणि ॲपच्या ॲक्सेसमध्ये. 179 रुपयांच्या प्लॅनमध्ये Vi मुव्हिज अँड टिव्ही ॲपचा ॲक्सेस आहे, तर 189 रुपये आणि 206 रुपयांच्या प्लॅनमध्ये तो दिला जात नाही.