8,560mAh बॅटरीचा नवा Honor X9e s मिडल ईस्टमध्ये लाँच, किंमत 1,499 साऊदी रियाल

टेक कंपनी Honor ने मिडल ईस्टमध्ये आपला नवा स्मार्टफोन Honor X9e s लाँच केला आहे. या फोनमध्ये 8,560mAh ची बॅटरी आहे. या फोनचे डिझाईन चीनमध्ये लाँच झालेल्या Honor Turbo 5G सारखे आहे. क्वालकॉम प्रोसेसर आणि 120Hz डिस्प्ले ही या फोनची वैशिष्ट्ये आहेत. या नव्या ऑनर स्मार्टफोनची किंमत आणि फीचर्स काय आहेत, ते पाहूया.

किमतीबद्दल सांगायचे तर, हा फोन 8GB रॅम आणि 256GB स्टोरेज या एकाच व्हेरिअंटमध्ये लाँच झाला आहे. त्याची किंमत 1,499 साऊदी रियाल, म्हणजेच सुमारे 38,000 रुपये ठेवण्यात आली आहे. ग्राहकांना डॉन ऑरेंज, ग्लेशियर व्हाईट आणि मिडनाईट ब्लॅक या तीन रंगांमधून निवड करता येईल. फोनसोबत कंपनी ऑनर कॉफी मग, एक वर्षाचे एक्सीडेंटल डॅमेज प्रोटेक्शन आणि बॅटरी कॅपिसीटीवर एका वर्षाची गॅरंटी सर्विस देत आहे.

डिस्प्लेचा विचार करता, या फोनमध्ये 6.79-इंच 1.5K अमोलेड स्क्रीन आहे. तिचा रिफ्रेश रेट 120Hz असून पीक ब्राइटनेस 1,800 निट्स आहे.

प्रोसेसरच्या बाबतीत, Honor ने या हँडसेटमध्ये स्नॅपड्रॅगन 6 जेन 4 चिपसेट दिला आहे. ग्राफीक्ससाठी एड्रेनो 810 जीपीयू आहे. हा फोन 8GB रॅम आणि 256GB स्टोरेजसह आला आहे. हा फोन अँड्रॉईड 16 वर आधारित मॅजिकओएस 10 वर चालतो. कंपनीने सध्या हा फोन फक्त एकाच व्हेरिअंटमध्ये आणला आहे. हा फोन भारतात कधी लाँच होणार, याबद्दल कोणतीही माहिती देण्यात आलेली नाही.

कॅमेऱ्यासाठी फोनच्या मागच्या बाजूला दोन कॅमेऱ्यांचा सेटअप आणि एलईडी फ्लॅश आहे. त्यात 50MP चा प्रायमरी कॅमेरा आणि 5MP चा सेकेंडरी अल्ट्रावाइड कॅमेरा आहे. फोनच्या समोरच्या बाजूला 16 मेगापिक्सेलचा सेल्फी कॅमेरा दिला आहे.

कनेक्टिविटीसाठी फोनमध्ये वायफाय 6, ब्लूटूथ 5.2 आणि एनएफसी सपोर्ट आहे. यासोबतच फोनमध्ये यूएसबी-सी पोर्ट मिळणार आहे, जो USB 2.0 स्पीडला सपोर्ट करतो. बायोमॅट्रिक ऑथेंटिकेशनसाठी या फोनमध्ये ऑप्टिकल फिंगरप्रिंट स्कॅनर दिला आहे.

बॅटरीबद्दल बोलायचे तर, फोनमधील 8,560mAh ची बॅटरी 7.76 mm जाडीची असून फोनचे वजन 196 ग्रॅम आहे. हा फोन 80W चार्जिंगला सपोर्ट करतो. एकदा चार्ज केल्यावर बॅटरी 3 दिवस टिकते, असा कंपनीचा दावा आहे.