वनप्लसचा फेस्टिव्ह सेल भारतात जाहीर, स्मार्टफोन, टॅबलेट आणि इअरबड्सवर ऑफर्स

टेक कंपनी वनप्लसने भारतात आपल्या फेस्टिव्ह सेलची घोषणा केली आहे. या सेलमध्ये स्मार्टफोन, टॅबलेट आणि ऑडिओ प्रोडक्ट्सवर ऑफर्स मिळणार आहेत. काही निवडक प्रोडक्ट्सवर डिस्काउंट, बँक ऑफर, नो-कॉस्ट ईएमआय आणि बंडल्ड एक्सेसरीजही दिल्या जाणार आहेत.

वनप्लस 15 सीरीज, वनप्लस 13s, नॉर्ड 6 सीरीज आणि N सीरीजच्या स्मार्टफोनवर खास ऑफर्स असतील. टॅबलेट आणि वायरलेस ऑडिओ प्रोडक्ट्सवरही ग्राहकांना चांगल्या ऑफर्स मिळतील. वनप्लसचा दावा आहे की 2026 च्या पहिल्या सहामाहीत त्यांच्या किमतींमधील सरासरी वाढ उद्योगातील सरासरी वाढीपेक्षा लक्षणीयरीत्या कमी राहिली.

कंपनीने दिलेल्या माहितीनुसार, वनप्लस 15 वर 1,000 रुपयांचे फेस्टिव डिस्काऊंट आणि 3,000 रुपयांपर्यंत इंस्टंट बँक डिस्काऊंट मिळेल. वनप्लस 15R वर 3 हजार रुपयांपर्यंत प्राइस कट आणि 2,000 रुपयांपर्यंत बँक डिस्काऊंट दिले जाईल. वनप्लस 13s च्या खरेदीवर 2 हजार रुपयांपर्यंत डिस्काऊंट आणि 3 हजार रुपयांपर्यंत बँक डिस्काऊंट मिळणार आहे.

वनप्लस नॉर्ड 6, नॉर्ड सीई6 आणि नॉर्ड सीई 6 लाइट यांच्यावरही फेस्टिव डिस्काउंट मिळेल. त्यात नॉर्ड सीई 6 लाइटची किंमत 27,499 रुपये होणार आहे. N सीरीजमधील वनप्लस N6, N6x आणि N6 लाईटची किंमत 14,999 रुपयांपासून सुरू होईल. वनप्लसने N6x चे 6GB रॅम आणि 128GB स्टोरेज असलेले एक नवीन व्हेरिअंटही सादर केले आहे. त्याची विक्री फेस्टिव्ह सेलदरम्यान होणार आहे.

नो-कॉस्ट ईएमआयचा पर्याय वनप्लस 15, वनप्लस 15R आणि वनप्लस 13s वर 9 महिन्यांपर्यंत, नॉर्ड 6 सीरीजवर 6 महिन्यांपर्यंत आणि N सीरीजच्या मॉडेल्सवर 3 महिन्यांपर्यंत उपलब्ध असेल. हा पर्याय फक्त निवडक बँक कार्ड्सवर मिळणार आहे.

टॅबलेटच्या बाबतीत, फेस्टिव्ह सेलमध्ये वनप्लस पॅड 4 वर 4,500 रुपयांपर्यंत इंस्टंट बँक डिस्काऊंट दिले जाईल, त्यामुळे या डिव्हाईसची किंमत 58,499 रुपये होणार आहे. याच्या खरेदीवर एक वनप्लस स्टाइलो प्रो मोफत मिळेल. तर वनप्लस पॅड Go2 सोबत Go2 Stylo मोफत दिले जाईल.

कंपनीने TWS इअरफोन्सवरही ऑफर्स जाहीर केल्या आहेत. वनप्लस बड्स प्रो 3 च्या खरेदीवर 2,000 रुपयांपर्यंत फेस्टिव प्राइस ड्रॉप आणि 2,000 रुपयांपर्यंत इंस्टंट बँक डिस्काऊंट मिळेल. बड्स 4, नॉर्ड बड्स 4 प्रो आणि नॉर्ड बड्स 4 वरही ऑफर्स उपलब्ध आहेत.