ट्रान्सरेल लायटिंगला ४१२ कोटी रुपयांच्या नव्या ऑर्डर्स, चालू वर्षातील एकूण मूल्य २,०२१ कोटींवर

मुंबई, १९ ऑक्टोबर २०२६: ट्रान्सरेल लायटिंग लिमिटेड या कंपनीने आपल्या मुख्य ट्रान्समिशन अँड डिस्ट्रिब्युशन व्यवसायात ४१२ कोटी रुपयांच्या नवीन ऑर्डर्स मिळाल्याची घोषणा आज केली. ही कंपनी ट्रान्समिशन अँड डिस्ट्रिब्युशन क्षेत्रातील आघाडीची इंजिनिअरिंग, प्रोक्योरमेंट अँड कन्स्ट्रक्शन कंपनी आहे.

या नवीन ऑर्डर्समुळे चालू वर्षातील कंपनीचे एकूण ऑर्डर मूल्य २,०२१ कोटी रुपयांवर पोहोचले आहे. त्याशिवाय कंपनीकडे एकूण ४०९ कोटी रुपयांच्या एल१ ऑर्डर्स प्रक्रियेत आहेत.

मिळालेल्या ऑर्डर्समध्ये प्रामुख्याने देशांतर्गत बाजारपेठेतील प्रकल्पांचा समावेश आहे. हे प्रकल्प एचटीएलएस कंडक्टर्सच्या मदतीने ट्रान्समिशन लाईन रिकंडक्टरिंगचे आहेत. काही दिवसांपूर्वी कंपनीने जाहीर केलेल्या ऑर्डर्स वेगळ्या असून, रिकंडक्टरिंगच्या या नव्या ऑर्डर्स त्यांच्या व्यतिरिक्त मिळाल्या आहेत. अशा प्रकल्पांत ट्रान्समिशन लाईन्सची वीजवहन क्षमता वाढवण्यासाठी कंपनीत तयार झालेले उच्च कार्यक्षमतेचे कार्बन कोर एचटीएलएस कंडक्टर्स वापरले जातात, आणि या नव्या प्रकारच्या प्रकल्पांची पूर्तता करण्यास ऑर्डर्स ट्रान्सरेलला मदत करतील.

कंपनीची उत्पादन क्षमता वाढली आहे. टॉवरची क्षमता १,८४,४०० एमटीपीए आणि कंडक्टरची क्षमता ४०,८०० केएमपीए आहे. त्यातच देशांतर्गत तसेच आंतरराष्ट्रीय बाजारपेठेत टीअँडडी क्षेत्राला अनुकूल वातावरण मिळत आहे. यामुळे कंपनी नफ्यासह वाढ साध्य करण्यासाठी सुसज्ज आहे.

कंपनीचे एमडी आणि सीईओ रणदीप नारंग म्हणाले, "४१२ कोटी रुपयांच्या नवीन ऑर्डर्स मिळाल्याची घोषणा करताना मला अतिशय आनंद होत आहे. यामुळे आमचे ऑर्डरबुक आणखी वाढेल आणि एकात्मिक टीअँडडी क्षेत्रातील आघाडीची कंपनी म्हणून आमचे स्थान अधिक दृढ होईल. या ऑर्डर्समुळे आम्ही स्वतः उत्पादित केलेल्या उच्च कार्यक्षमतेच्या कार्बन-कोर एचटीएलएस कंडक्टर्सचा वापर करून ट्रान्समिशन लाईन रिकंडक्टरिंग प्रकल्पांमध्ये देशांतर्गत उपस्थिती अधिक विस्तारत आहोत."

नारंग पुढे म्हणाले, "ग्रीन एनर्जी कॉरिडॉरच्या तिसऱ्या टप्प्याला मंजुरी देऊन सरकारने या क्षेत्राला पाठबळ दिले आहे, त्यामुळे आमचा उत्साह वाढला आहे. यामुळे ९०० गिगावॅट गैर-जीवाश्म इंधनाधारित ऊर्जा वितरणाला आधार देण्यासाठी भारताची वीज पायाभूत सुविधा अधिक दृढ होईल. उद्योगातील अशी अनुकूल परिस्थिती आणि टॉवर्स व कंडक्टर्ससाठी वाढलेली आमची उत्पादन क्षमता यामुळे आम्ही सातत्यपूर्ण वाढ कायम राखण्यासाठी आणि शाश्वत मूल्यनिर्मिती करण्यासाठी पूर्णपणे सज्ज आहोत."