स्पार्क्सने आणली नवी ब्रँड मोहीम; तमन्ना भाटीया आणि लक्ष्य ब्रँड अॅम्बेसेडर

भारतातील लोकप्रिय फुटवेअर ब्रँड स्पार्क्सने 'ग्रेटेस्ट ऑफ टुडे' ही नवी ब्रँड मोहीम सुरू केली आहे. अभिनेत्री तमन्ना भाटीया आणि अभिनेता लक्ष्य या मोहिमेत ब्रँड अॅम्बेसेडर म्हणून सहभागी झाले आहेत. सतत नवनिर्मिती, प्रयोग आणि स्वतःची अभिव्यक्ती यांना महत्त्व देणाऱ्या आजच्या तरुण पिढीसाठी 'परिपूर्ण क्षणा'ची वाट पाहणे आता मागे पडत आहे. या बदलत्या जीवनशैलीशी जोडून घेण्यासाठी ही मोहीम आणण्यात आली आहे.

मोहिमेच्या केंद्रस्थानी स्पार्क्सच्या नव्या स्नीकर्सची आणि बहुपयोगी स्पोर्ट्स शूजची श्रेणी आहे. तरुण ग्राहकांच्या सक्रिय आणि गतिमान जीवनशैलीला पूरक ठरतील, अशा पद्धतीने ही उत्पादने तयार करण्यात आली आहेत.

या मोहिमेची संकल्पना 'बीबीडीओ ग्रुप इंडिया'चा भाग असलेल्या 'मुद्रा' संस्थेने मांडली आहे. 'ग्रेटेस्ट ऑफ ऑल टाइम' म्हणजेच 'GOAT' या लोकप्रिय संज्ञेपासून प्रेरणा घेऊन तिला 'ग्रेटेस्ट ऑफ टुडे' असे नवे रूप देण्यात आले आहे. एखाद्या निर्णायक क्षणाची वाट पाहण्यापेक्षा सध्याच्या क्षणाचा पुरेपूर आनंद घ्यावा आणि तो अर्थपूर्ण बनवावा, ही वृत्ती मोहिमेतून अधोरेखित केली आहे.

रिलॅक्सो फुटवेअर्सचे सह-मुख्य कार्यकारी अधिकारी आणि पूर्णवेळ संचालक गौरवकुमार दुआ म्हणाले, "आजच्या पिढीसाठी मोठेपण म्हणजे दूरच्या यशाची किंवा एखाद्या महत्त्वाच्या टप्प्याची वाट पाहणे नव्हे. सध्याच्या क्षणी आपण काय करतो, काय अनुभवतो आणि स्वतःची अभिव्यक्ती कशी मांडतो, याला अधिक महत्त्व आहे. 'ग्रेटेस्ट ऑफ टुडे'च्या माध्यमातून आजच्या तरुण भारताच्या संस्कृतीशी आणि विचारसरणीशी जोडणारी संकल्पना मांडण्याचा आमचा प्रयत्न आहे. आमची नवी उत्पादने या विचाराला पूरक आहेत. स्नीकर्स स्टाइलची ठळक अभिव्यक्ती करतात, तर बहुपयोगी स्पोर्ट्स शूज सक्रिय जीवनशैलीसाठी उपयुक्त आहेत."

तमन्ना भाटीया म्हणाली, "'ग्रेटेस्ट ऑफ टुडे'मधील तात्कालिकता मला विशेष भावली. आयुष्यात काही मोठे घडण्याची वाट न पाहता आपण सध्याच्या क्षणाचा पुरेपूर आनंद घेऊ शकतो. नव्या स्नीकर्सच्या माध्यमातून स्वतःची स्टाइल आणि अभिव्यक्ती मांडता येते. आजची तरुणाई ज्या पद्धतीने कपडे घालते, नवे अनुभव घेते आणि सक्रिय राहते, त्याला ही उत्पादने सहज पूरक ठरतात."

लक्ष्य म्हणाला, "'ग्रेटेस्ट ऑफ टुडे'ची संकल्पना मला भावते; कारण ती वर्तमानात जगण्याची आणि आपल्याला उत्साहित करणाऱ्या गोष्टींचा पाठपुरावा करण्याची प्रेरणा देते. आपण नवे प्रयोग करतो, वाटेतून शिकतो आणि पुढे जात राहतो. या संग्रहातही हीच ऊर्जा दिसते. स्टाइलची वेगळी छाप पाडणारे स्नीकर्स आणि सक्रिय दिवसाची साथ देणारे स्पोर्ट्स शूज, असे दोन्ही पर्याय यात आहेत."

'मुद्रा'चे वरिष्ठ उपाध्यक्ष आणि व्यवसायप्रमुख चेतन सोनी म्हणाले, "स्पार्क्सला केवळ तरुण ब्रँड म्हणून सादर करणे हा या मोहिमेचा उद्देश नव्हता. तरुण पिढी स्टाइल, ओळख आणि महत्त्वाकांक्षेकडे कशा प्रकारे पाहते, हे समजून घेणे महत्त्वाचे होते. या मोहिमेत बूट हा प्रारंभबिंदू आहे; मात्र, प्रत्येक क्षण महत्त्वाचा बनवण्याची आणि स्वतःची वेगळी ओळख निर्माण करण्याची वृत्ती हा केंद्रबिंदू आहे. 'ग्रेटेस्ट ऑफ टुडे' ही केवळ जाहिरात मोहीम नसून, स्पार्क्सची नवी ओळख अधोरेखित करणारी सुरुवात आहे."

ही मोहीम दूरचित्रवाणी, मुद्रित माध्यमे, डिजिटल प्लॅटफॉर्म आणि आउटडोअर माध्यमांतून राबवली जाणार आहे. 'ग्रेटेस्ट ऑफ टुडे' ही संकल्पना स्पार्क्सच्या तरुणकेंद्री ओळखीशी जोडताना नव्या फुटवेअर संग्रहाला मोहिमेत मध्यवर्ती स्थान देण्यात आले आहे.