'रहना है तेरे दिल में'चा सिक्वेल येणार? मॅडी आणि रीना पुन्हा मोठ्या पडद्यावर दिसण्याची चर्चा

बॉलिवूडमधील सगळ्यात लोकप्रिय जोडींपैकी एक म्हणजे मॅडी आणि रीना. 'रहना है तेरे दिल में' या चित्रपटातली ही जोडी आता पुन्हा एकदा मोठ्या पडद्यावर दिसणार का, अशी चर्चा सध्या सुरू आहे. या चित्रपटाच्या सिक्वेलबाबत आता नवी माहिती समोर आली आहे.

हा चित्रपट 2001 मध्ये प्रदर्शित झाला होता. हा लोकप्रिय रोमँटिक चित्रपट लोकांनी डोक्यावर घेतला. त्यातील गाण्यांचे वेड असलेला एक वेगळा चाहतावर्ग आजही आहे. आता हा चित्रपट पुन्हा प्रेक्षकांसमोर आणण्याची तयारी जॅकी भगनानी करत आहेत.

सूत्रांनुसार, कक्कर यांच्या संभाव्य सहभागाबाबत निर्माते आणि त्यांच्यात चर्चा सुरू आहे. हे चित्रपट निर्माते 'फिल्मस्तान', 'मित्रों' आणि 'जवानी जानेमन' यांसारख्या चित्रपटांच्या दिग्दर्शनासाठी ओळखले जातात. ते आगामी 'अवारपन २' या चित्रपटाशीही जोडले गेले आहेत. पण भगनानी यांच्यासोबतच्या त्यांच्या कथित चर्चेचे स्वरूप अस्पष्ट आहे. त्यांच्या नियुक्तीची पुष्टी करणारी कोणतीही अधिकृत घोषणा झालेली नाही.

हा नवा चित्रपट मूळ चित्रपटाचा सिक्वेल असणार की त्याची कथा पूर्णपणे वेगळी असणार, याबाबत अद्याप काहीही स्पष्टता नाही. सध्या या प्रोजेक्टबाबत फक्त चर्चाच सुरू आहेत. निर्मात्यांकडून अजून कोणत्याही प्रकारची अधिकृत घोषणा करण्यात आलेली नाही. त्यामुळे प्रेक्षकांना आणखी वाट पाहावी लागणार आहे.

गौतम वासुदेव मेनन दिग्दर्शित 'रहना है तेरे दिल में' या चित्रपटाने आर. माधवन आणि दिया मिर्झा यांना हिंदी चित्रपटसृष्टीत आणले. सैफ अली खान यांनी यात एक महत्त्वाची भूमिका साकारली होती. 'मॅडी' नावाने प्रसिद्ध असलेले माधव शास्त्री, रीना मल्होत्रा आणि 'सॅम' नावाने ओळखले जाणारे राजीव समरा यांच्यातील गुंतागुंतीच्या प्रेमसंबंधांभोवती चित्रपटाची कथा फिरत होती.

प्रदर्शनानंतर लगेचच चित्रपटाला मोठे यश मिळाले नाही. तरीही कालांतराने हळूहळू त्याचा एक निष्ठावान चाहतावर्ग तयार झाला. त्यातला भावनिक संघर्ष, संवाद आणि हॅरिस जयराज यांनी संगीतबद्ध केलेले संगीत यामुळे प्रेक्षकांमध्ये त्याची लोकप्रियता टिकून राहिली. म्हणूनच आजही या चित्रपटाबद्दल प्रेक्षकांमध्ये उत्सुकता आहे.