आयकर विभागाच्या दिल्ली क्षेत्रात क्रीडा कोट्यातून ११९ पदांची भरती, लेखी परीक्षा नाही

खेळाच्या मैदानावर नाव कमावलेल्या आणि क्रीडा क्षेत्राशी जोडलेल्या खेळाडूंसाठी सरकारी नोकरीची मोठी संधी आली आहे. देशातील सर्वात प्रतिष्ठित विभागांपैकी एक असलेल्या आयकर विभागात सरकारी नोकरी मिळवण्याचे स्वप्न पाहणाऱ्यांसाठी ही सुवर्णसंधी आहे. आयकर विभागाच्या दिल्ली क्षेत्राने गुणवंत खेळाडूंसाठी क्रीडा कोट्यातून ११९ रिक्त पदे भरण्याची अधिकृत अधिसूचना प्रसिद्ध केली आहे.

या भरती प्रक्रियेअंतर्गत ऑनलाइन अर्ज सुरू झाले असून फॉर्म भरण्याची अंतिम तारीख १० नोव्हेंबर २०२६ निश्चित करण्यात आली आहे.

या भरती मोहिमेतून एकूण ११९ पदे भरली जाणार आहेत. त्यात मल्टी-टास्किंग स्टाफसाठी ६६ पदे, टॅक्स असिस्टंटसाठी ४४ पदे आणि स्टेनोग्राफर ग्रेड-II साठी ०९ पदे आहेत.

पात्रता पदानुसार वेगळी आहे. एमटीएस पदासाठी उमेदवार मान्यताप्राप्त बोर्डातून १० वी पास असला पाहिजे आणि त्याचे वय १८ ते २५ वर्षांच्या दरम्यान हवे. स्टेनोग्राफर ग्रेड-II साठी १२ वी पास असणे आवश्यक आहे आणि वय १८ ते २७ वर्षे हवे. निवडीनंतर या उमेदवारांना स्टेनोग्राफी टेस्ट द्यावी लागेल.

टॅक्स असिस्टंट पदासाठी मान्यताप्राप्त विद्यापीठाची पदवी लागते आणि वय १८ ते २७ वर्षे असावे. या पदासाठी निवडीनंतर डेटा एंट्री स्किल टेस्ट घेतली जाईल.

क्रीडा पात्रतेसाठी उमेदवाराने आंतरराष्ट्रीय स्पर्धांमध्ये देशाचे प्रतिनिधित्व केलेले असावे. किंवा राष्ट्रीय अथवा आंतर-विद्यापीठ स्तरावरील क्रीडा स्पर्धांमध्ये आपल्या राज्याचे किंवा विद्यापीठाचे प्रतिनिधित्व केलेले असावे. आरक्षित वर्ग आणि खेळाडूंना नियमानुसार वरच्या वयोमर्यादेत ५ ते १० वर्षांपर्यंत सूट दिली जाईल.

निवड झालेल्या उमेदवारांना ७ व्या वेतन आयोगानुसार पगार मिळेल. टॅक्स असिस्टंट आणि स्टेनोग्राफर पदासाठी पे लेव्हल-४ आहे, म्हणजे दरमहा रु. २५,५०० ते रु. ८१,१० वरती. एमटीएस पदासाठी पे लेव्हल-१ असून दरमहा रु. १८,००० ते रु. ५६,९०० मिळतील.

या भरतीसाठी कोणतीही लिखित परीक्षा घेतली जाणार नाही. उमेदवारांची क्रीडा क्षेत्रातील कामगिरी, शैक्षणिक पात्रता, वय आणि गरजेनुसार स्किल टेस्ट यांच्या आधारे गुणवत्ता यादी तयार केली जाईल आणि निवड त्या यादीतून होईल.

इच्छुक आणि पात्र खेळाडूंनी आयकर विभागाच्या अधिकृत संकेतस्थळावर जाऊन १० नोव्हेंबर २०२६ पर्यंत आपला ऑनलाइन अर्ज सबमिट करायचा आहे. अर्ज करताना स्पोर्ट्स सर्टिफिकेट्स, शैक्षणिक कागदपत्रे, पासपोर्ट फोटो आणि स्वाक्षरी योग्य फॉरमॅटमध्ये अपलोड करणे आवश्यक आहे. अर्ज करण्यापूर्वी अधिकृत वेबसाईटला भेट देऊन मूळ जाहिरात काळजीपूर्वक वाचावी, असा सल्ला उमेदवारांना देण्यात आला आहे.