लांब राईडसाठी आरामदायी क्रूझर बाईक्स: सुझुकी, होंडा, कावासाकी, हार्ले-डेव्हिडसनचे टॉप 4 ऑप्शन
लांब राईडमध्ये स्पीडपेक्षा आराम हवा असेल तर क्रूझर मोटरसायकल हा चांगला पर्याय ठरू शकतो. यात कमी सीट हाइट, रिलॅक्स्ड रायडिंग पोझिशन आणि स्मूथ इंजिनमुळे रायडरचा थकवा कमी होतो.
लांब राईडवर जाताना वेगापेक्षा कम्फर्टला जास्त महत्त्व देणाऱ्या रायडर्ससाठी क्रूझर मोटरसायकल हा एक चांगला ऑप्शन ठरू शकतो. या बाइक्समध्ये सीट कमी उंचीची असते, रायडिंग पोझिशन रिलॅक्स्ड ठेवलेली असते, फुटकंट्रोल्स पुढच्या बाजूला दिलेले असतात आणि व्हीलबेस लांब असतो. यामुळे हायवेवर राईड करताना आरामदायी अनुभव मिळतो. या बाइक्समधल्या इंजिनचा पॉवर डिलिव्हरीदेखील साधारणपणे स्मूथ ठेवलेला असतो. कमी सीट हाइट आणि रिलॅक्स्ड पोझिशनमुळे लांब राईडमध्ये रायडरचा थकवा कमी होण्यास मदत होते, तर स्मूथ इंजिन आणि आरामदायी सस्पेंशनमुळे शहरापासून हायवेपर्यंत राईडिंगचा अनुभव जास्त सोपा होतो. Suzuki, Honda, Kawasaki आणि Harley-Davidson या कंपन्यांच्या क्रूझर बाइक्स कम्फर्टच्या बाबतीत वेगवेगळे ऑप्शन देतात.
यातला पहिला ऑप्शन आहे Suzuki Boulevard C50. या बाइकमध्ये 805cc फ्युएल-इंजेक्टेड V-Twin इंजिन आणि 5-स्पीड गिअरबॉक्स दिलेला आहे. 27.6 इंच सीट हाइट, पुढे दिलेले फ्लोअरबोर्ड्स आणि लपवलेला रिअर शॉक यामुळे रायडिंग आरामदायी होते. रेट्रो डिझाइन, क्रोम फिनिश आणि स्पोक व्हील्समुळे या बाइकला क्लासिक लूक मिळतो. C50T या पॅकेजमध्ये विंडशील्ड, सॅडलबॅग्स आणि पॅसेंजर बॅकरेस्टसारखी टूरिंग उपकरणेही दिली जातात.
दुसरा ऑप्शन Honda Shadow Phantom आहे. यात 745cc लिक्विड-कूल्ड V-Twin इंजिन, फ्युएल इंजेक्शन आणि शाफ्ट फायनल ड्राइव्ह दिलेली आहे. 25.6 इंच सीट हाइटमुळे थांबल्यावर पाय जमिनीवर ठेवणे सोपे जाते. कमी सेंटर ऑफ ग्रॅव्हिटी आणि तुलनेने हलके वजन यामुळे शहरातल्या ट्रॅफिकमध्ये किंवा पार्किंगमध्येसुद्धा ही बाइक हाताळणे सोपे होते. इंजिनचा लो-एंड टॉर्क लांब राईडमध्येही स्मूथ अनुभव देतो.
तिसरा पर्याय Kawasaki Vulcan 900 Classic आहे. यात 903cc V-Twin इंजिन, 5-स्पीड गिअरबॉक्स आणि 26.8 इंच सीट हाइट आहे. 64.8 इंच व्हीलबेससोबत 41mm टेलिस्कोपिक फ्रंट फोर्क आणि रिअर Uni-Trak सस्पेंशन दिलेले आहे. फ्लोअरबोर्ड्स आणि बेल्ट फायनल ड्राइव्हमुळे या बाइकचा क्रूझिंग स्वभाव आणखी स्पष्ट दिसतो. हायवेवर स्थिर वेगाने राईड करण्यासाठी हा सेटअप उपयोगी ठरतो.
चौथा आणि शेवटचा ऑप्शन Harley-Davidson Heritage Classic आहे. यात Milwaukee-Eight 117 इंजिन असून ते 2,500rpm वर 120 lb-ft टॉर्क देते. 26.3 इंच सीट, रुंद हँडलबार, फ्लोअरबोर्ड्स, लॉक होणाऱ्या सॅडलबॅग्स आणि डिटॅचेबल विंडशील्ड लांब प्रवासासाठी उपयोगी ठरतात. Road मोडमधला सौम्य थ्रॉटल रिस्पॉन्स आणि सुधारलेले सस्पेंशन यामुळे खडबडीत रस्त्यांवरही रायडिंग जास्त सोपे होते.
