6 नोव्हेंबरला राज्यातल्या सर्व जिल्ह्यांत कोरडे हवामान, पावसाचा कुठेही अलर्ट नाही

महाराष्ट्रातल्या हवामानात सध्या बदल दिसत आहे. गेल्या 2 दिवसांपासून राज्याच्या तापमानात वाढ नोंदवली जात आहे. सकाळी काही भागांत हलका गारवा जाणवतो, पण दुपार झाली की उष्णतेचा अनुभव येतो.

बंगालच्या उपसागरातील चक्रीवादळांचा प्रभाव कमी झाला आहे. त्यामुळे राज्यात पाऊस पडण्याची शक्यताही कमी झाली आहे.

भारतीय हवामान विभागाने (IMD) 6 नोव्हेंबरसाठी जिल्हानिहाय अंदाज दिला आहे. त्यानुसार राज्यातल्या सर्व जिल्ह्यांत हवामान कोरडे राहण्याची शक्यता आहे. विशेष म्हणजे, कोणत्याही जिल्ह्यासाठी पाऊस किंवा वादळी पावसाचा अलर्ट जारी केलेला नाही.

कोकण विभागात पालघर, ठाणे, मुंबई, रायगड, रत्नागिरी आणि सिंधुदुर्ग असे 6 जिल्हे येतात. या सर्व जिल्ह्यांत 6 नोव्हेंबरला हवामान कोरडे राहण्याचा अंदाज आहे. त्यामुळे मुंबईसह कोकणातल्या लोकांना पावसापासून दिलासा मिळू शकतो. मात्र गेल्या काही दिवसांपासून तापमान वाढत असल्याने दुपारी उकाडा जाणवू शकतो. सकाळी काही ठिकाणी हलका गारवा राहण्याची शक्यता आहे.

उत्तर महाराष्ट्रातही चित्र असेच आहे. धुळे, नंदुरबार, जळगाव, नाशिक आणि अहिल्यानगर या जिल्ह्यांत पावसाचा अंदाज नाही. नाशिकच्या घाटमाथा परिसरातही हवामान कोरडे राहण्याची शक्यता वर्तवली आहे. पावसाचा कोणताही इशारा नसल्याने लोकांना दिलासा मिळेल. काही ठिकाणी सकाळी गारवा जाणवेल, तर दुपारी तापमान वाढल्याने उष्णता जाणवू शकते.

पश्चिम महाराष्ट्रातल्या पुणे, सातारा, सांगली, कोल्हापूर आणि सोलापूर या जिल्ह्यांत 6 नोव्हेंबरला पाऊस पडण्याची शक्यता नाही, असे हवामान अंदाजातून स्पष्ट होत आहे. पुणे, सातारा आणि कोल्हापूरच्या घाटमाथा परिसरातही कोरडे हवामान राहू शकते. त्यामुळे शेतीची कामे, प्रवास आणि रोजचे व्यवहार यांना अनुकूल वातावरण मिळू शकते. तरीही दुपारी वाढणाऱ्या तापमानामुळे उकाडा जाणवण्याची शक्यता नाकारता येत नाही.

मराठवाड्यातल्या छत्रपती संभाजीनगर, जालना, परभणी, बीड, हिंगोली, नांदेड, लातूर आणि धाराशिव या सर्व 8 जिल्ह्यांत हवामान कोरडे राहण्याचा अंदाज आहे. या जिल्ह्यांसाठी पाऊस किंवा वादळी पावसाचा कोणताही अलर्ट दिलेला नाही. मराठवाड्यात सध्या पावसाची शक्यता कमी असली, तरी तापमानातल्या बदलांकडे लोकांना लक्ष ठेवावे लागेल.

विदर्भातल्या अकोला, अमरावती, बुलढाणा, वाशिम, यवतमाळ, नागपूर, वर्धा, भंडारा, गोंदिया, चंद्रपूर आणि गडचिरोली या 11 जिल्ह्यांतही कोरडे हवामान राहण्याची शक्यता आहे. हवामान विभागाने या जिल्ह्यांसाठी पावसाचा किंवा वादळी पावसाचा कोणताही अलर्ट जारी केलेला नाही.

एकूण पाहिले तर 6 नोव्हेंबरला कोकण, उत्तर महाराष्ट्र, पश्चिम महाराष्ट्र, मराठवाडा आणि विदर्भ या पाचही विभागांत कोरडे हवामान राहण्याचा अंदाज आहे. मात्र राज्यातल्या तापमानात चढ-उतार सुरू राहू शकतात. सकाळचा गारवा आणि दुपारचा उकाडा अशा बदलत्या वातावरणात लोकांनी आवश्यक ती काळजी घ्यावी. जिल्ह्यांतल्या हवामानातले पुढचे बदल समजून घेण्यासाठी भारतीय हवामान विभागाच्या अधिकृत अंदाजावर लक्ष ठेवणे महत्त्वाचे ठरेल.