एफडीवर जास्त नफा हवा? एसबीआय, एचडीएफसी नव्हे, तर या स्मॉल फायनान्स बँका देतात जास्त व्याज

शेअर बाजारातली सध्याची परिस्थिती पाहता आजही अनेक जण तिथे पैसे गुंतवायला घाबरतात. जोखीम घेणे त्यांना जमत नाही. म्हणून बरेच जण गुंतवणुकीसाठी बँकेच्या एफडीकडे वळतात. बँकेची एफडी ही सुरक्षित गुंतवणूक आहे आणि तिच्यावर हमीपूर्वक परतावा मिळतो, या विश्वासावर हे पैसे ठेवले जातात.

मात्र एफडीचा पर्याय निवडताना आपण ठरलेल्या काही बँकांकडेच बघतो. एसबीआय आणि एचडीएफसी या बँकांमध्येच बरेच जण पैसे ठेवतात. पण काही स्मॉल फायनान्स बँका एफडीसाठी चांगला पर्याय म्हणून पुढे आल्या आहेत, आणि त्या या मोठ्या बँकांपेक्षा जास्त व्याजदर देतात.

५ वर्षांच्या एफडीवर सर्वाधिक व्याजदर सूर्योदय स्मॉल फायनान्स बँक (Suryoday Small Finance Bank) देते. ही बँक ज्येष्ठ नागरिकांना ५ वर्षांच्या एफडीवर ८.५०% पर्यंत व्याज देते. वेगवेगळ्या स्मॉल फायनान्स बँकांचे ५ वर्षांच्या एफडीसाठीचे व्याजदर वेगवेगळे आहेत, ते खाली पाहता येतील.

सूर्योदयनंतर जना स्मॉल फायनान्स बँकेचा नंबर लागतो. ही बँक ५ वर्षांच्या एफडीवर ८.००% व्याजदर देते. उज्जीवन स्मॉल फायनान्स बँकेचा दर ७.७०% आहे. इक्विटास स्मॉल फायनान्स बँक आणि उत्कर्ष स्मॉल फायनान्स बँक या दोघी ७.५०% व्याज देतात. एयू स्मॉल फायनान्स बँक आणि स्लाइस स्मॉल फायनान्स बँक यांचा ५ वर्षांच्या एफडीवरील दर ७.२५% आहे.

सर्वसाधारणपणे सामान्य ग्राहकांपेक्षा ज्येष्ठ नागरिकांना एफडीवर जास्त व्याजदर मिळतो. ६० वर्षे किंवा त्यापेक्षा जास्त वयाचे गुंतवणूकदार याचा फायदा घेऊ शकतात. सूर्योदय स्मॉल फायनान्स बँकेचा ज्येष्ठ नागरिकांसाठीचा दर ८.५०% आहे. म्हणजेच एखाद्या ज्येष्ठ नागरिकाला दीर्घ मुदतीच्या एफडीत पैसे ठेवायचे असतील, तर स्मॉल फायनान्स बँकांचे व्याजदर आकर्षक ठरू शकतात.

आता ५ लाखांच्या ठेवीचे एक उदाहरण पाहू. समजा, एका गुंतवणूकदाराने ५ वर्षांच्या मुदत ठेवीत Rs ५ लाख ठेवले आणि त्याला वार्षिक ८.५०% व्याज मिळाले. तर ५ वर्षांनंतर त्या Rs ५ लाखांचे Rs ७६१,३९७ होतील. म्हणजे ५ वर्षांत व्याजापोटी Rs २६१,३९७ मिळतील.