जरांगे यांचं आव्हान: दारू पितो हे नार्को टेस्टमध्ये सिद्ध झालं तर आत्महत्या करेन

मराठा आरक्षण आंदोलक मनोज जरांगे पाटील यांना एका मुलाखतीत थेट विचारलं गेलं, "तुम्ही दारू पिता का हो?" या प्रश्नावर त्यांनी अगदी खुसखुशीत शैलीत उत्तर दिलं. त्यांचा हा व्हिडिओ सोशल मीडियावर व्हायरल झाला आहे.

जरांगे यांच्याबद्दल ते दारू पितात, अशा वावड्या उठवल्या गेल्या होत्या. त्याच पार्श्वभूमीवर हा प्रश्न त्यांना विचारण्यात आला. बातमीत म्हटल्याप्रमाणे, आंदोलन करणाऱ्या कार्यकर्त्याला आधी मॅनेज करण्याचा प्रयत्न होतो, मग दबाव टाकला जातो आणि त्यानंतर चारित्र्य हनन केलं जातं. जरांगे यांच्याबाबतही असंच घडलं, असं यात सांगितलं आहे. आधी त्यांना मॅनेज करण्याचा प्रयत्न झाला, नंतर दबाव आणण्याचा प्रयत्न झाला आणि त्यानंतर चारित्र्य हनन झालं, असा या बातमीतला क्रम आहे.

प्रश्न ऐकताच जरांगे म्हणाले, "पाणी पितो ना? बाकी काही पित नाही. पाणी ज्यात टाकून पितात ते कधी पित नाही. आपलं हाडूकच त्यानं बाटलेलं नाही." इतकंच नाही, तर मी दारू पितो हे जर कोणी नार्को टेस्ट करून सिद्ध केलं, तर त्याच दिवशी आत्महत्या करेन, असं आव्हानच त्यांनी दिलं.

यावेळी त्यांनी दहावीतला एक किस्साही ऐकवला. "एक अनुभव म्हणून सांगतो," असं म्हणत ते सांगू लागले की, दहावीची परीक्षा सुरू असताना ते आणि त्यांचे मित्र चकलांब्याला गेले होते. त्यावेळी थम्सअप किंवा झमझम नावाची एक नवीनच बाटली बाजारात आली होती. ती लाल दिसत होती. पेपर सुटल्यावर पोरांनी ठरवलं की आपण हे थम्सअप प्यायचं.

मग सगळे एका हॉटेलात बसले. ते पोत्याचं हॉटेल होतं, असं जरांगे यांनी सांगितलं. सर्वांनी मिळून एकच बॉटल घेतली आणि त्यातलं थम्सअप प्रत्येकाच्या ग्लासात थोडं थोडं वाटून दिलं. जरांगे म्हणाले, मला ते लाल दिसलं, म्हणून मी आधी त्यात बोट बुडवलं आणि चाटून पाहिलं. तेव्हा चुणचुण लागली. तिथून मी धूम ठोकली आणि थेट घर गाठलं. "नको म्हटलं ही दारूफिरू," असं ते म्हणाले.

दरम्यान, गेल्या आठवड्यात एका नेत्याने जरांगे पाटील यांच्यावर गंभीर आरोप केला होता. जरांगे यांचं एका महिलेशी लफडं आहे, असा आरोप त्या नेत्याने केला होता. त्यावर जरांगे यांनी जोरदार टीका केली होती. "होय, आहे माझं लफडं. दे आणून. करतो मी लग्न," असं म्हणत त्यांनी त्या नेत्याला फटकारलं होतं.

जरांगे पुढे म्हणाले होते, "तुम्हाला आई, बहीण, मावशी, पोरी असतील ना? मग तुम्ही दुसऱ्यांच्या लेकीबाळींबद्दल असं कसं म्हणू शकता? कुणाची कशी अब्रू घेऊ शकता? तुम्हाला काही अक्कल आहे का?" आंदोलनामध्ये अनेक महिला आणि पुरुष भेटतात, त्यांना फोटो काढावा वाटतो आणि ते काढतात. याचा अर्थ त्यांच्याशी लफडं आहे असा होतो का, असा संताप जरांगे यांनी व्यक्त केला होता.