विवोचा नवा फोल्डेबल फोन Vivo X Fold 6 भारतात लाँच, बेस व्हेरिअंट 2,19,999 रुपयांचा

स्मार्टफोन कंपनी विवोने भारतीय बाजारात नवा फोल्डेबल फोन लाँच केला आहे. या डिव्हाईसचे नाव Vivo X Fold 6 असे आहे. कंपनीचा हा नवा फोल्ड फोन विवो व्हि 80 आणि विवो एस 2 एफई यांच्यासोबत लाँच करण्यात आला आहे.

किंमतीबद्दल सांगायचे तर, Vivo X Fold 6 च्या 12GB रॅम आणि 512GB स्टोरेज या बेस व्हेरिअंटची किंमत 2,19,999 रुपये आहे. फोनची प्री-बुकिंग सुरू झाली आहे आणि विक्री 13 ऑक्टोबरपासून सुरू होणार आहे. ग्राहकांना हा फोन नेब्युला टील आणि प्रिझम ब्लॅक या दोन रंगांत घेता येईल.

लाँच ऑफरमध्ये हा फोन 30 महिन्यांसाठी 7,333 रुपयांच्या ईएमआयवरही घेता येणार आहे. कंपनी झिरो डाउनपेमेंट आणि 26,400 रुपयांपर्यंत इंस्टंट कॅशबॅक देत आहे. त्याशिवाय 12 टक्के व्हि-अपग्रेड एक्सचेंज बोनस आणि 40 टक्क्यांपर्यंत व्हि-शिल्ड स्क्रीन डॅमेज प्रोटेक्शन देण्यात येणार आहे. खरेदीवर 26,400 रुपयांपर्यंत इंस्टंट कॅशबॅक, 10 टक्क्यांपर्यंत एक्सचेंज बोनस किंवा 24 महिन्यांपर्यंत नो-कॉस्ट ईएमआय अशीही ऑफर आहे. फोनसोबत कंपनी तीन महिन्यांसाठी गूगल एआय प्रो देखील देणार आहे.

डिस्प्लेचा विचार केला तर या फोनमध्ये 8.02-इंच फोल्डेबल अमोलेड पॅनल आहे. त्याचे पिक्सेल रेजोल्यूशन 2,504 x 2,312-पिक्सेल, रिफ्रेश रेट 120Hz, पिक्सेल डेनसिटी 424 पीपीआय आणि 100 टक्के डीसीआय-पी3 कवरेज आहे. टच सँपलिंग 300Hz असून एचडीआर सपोर्टही देण्यात आला आहे. याशिवाय फोनमध्ये 6.51-इंच अमोलेड कवर डिस्प्ले आहे, ज्याचे रेजोल्यूशन 1,120 x 2,528-पिक्सेल आहे. आतील आणि बाहेरील डिस्प्लेचे फीचर समान आहेत.

फोन 3nm ऑक्टा-कोर मीडियाटेक डायमेन्सिटी 9500 सुपर एडिशन चिपसेटसह लाँच झाला आहे. त्यात 12GB पर्यंत एलपीडीडीआर5एक्स अल्ट्रा रॅम आणि 512GB चे यूएफएस 4.1 स्टोरेज आहे. हा फोन अँड्रॉईड 17 वर आधारित ओरिजीनओएस 7 सह उपलब्ध आहे.

कॅमेऱ्याच्या बाबतीत Vivo X Fold 6 मध्ये Zeiss-ट्यून ट्रिपल रियर कॅमेरा सेटअप आहे. प्रायमरी कॅमेरा 200-मेगापिक्सेलचा f/1.68 आहे. त्यासोबत 50-मेगापिक्सेल f/2.05 अल्ट्रा वाइड कॅमेरा आणि 50-मेगापिक्सेल f/2.57 पेरिस्कोप टेलीफोटो कॅमेरा आहे, जो 100x डिजिटल झूमला सपोर्ट करतो. बाहेरील आणि आतील डिस्प्लेमध्ये प्रत्येकी 20 मेगापिक्सेलचे दोन सेल्फी कॅमेरे दिले आहेत. फोन 8K रेजोल्यूशन व्हिडीओ रेकॉर्ड करू शकतो.

बॅटरी 6,900mAh ची असून 80W वायर्ड चार्जिंगला सपोर्ट आहे. कनेक्टिविटीसाठी 5G, 4G एलटीई, वायफाय 7, ब्लूटूथ 5.4, यूएसबी टाइप-सी, जीपीएस, ग्लोनास, बेईडौ, गॅलिलिओ, QZSS आणि NavIC यांचा सपोर्ट आहे. फोनच्या बाजूला फिंगरप्रिंट सेंसर आहे आणि तो IP58 आणि IP59 रेटिंगसह लाँच झाला आहे.