स्कोडा स्लाव्हिया फेसलिफ्ट लाँच, सुरुवातीची एक्स-शोरूम किंमत 10 लाख रुपये
मिडसाईज सिडान सेगमेंटमध्ये स्कोडाने स्लाव्हिया फेसलिफ्ट अधिकृतपणे लाँच केली आहे. नवीन 8-स्पीड ऑटोमॅटिक गिअरबॉक्स आणि 360-Degree कॅमेरा ही यातली ठळक भर आहे.
भारतात मिडसाईज सिडान सेगमेंटमध्ये स्कोडाने आपली बहुप्रतिक्षित Skoda Slavia Facelift अधिकृतपणे लाँच केली आहे. 2022 मध्ये ही कार भारतीय बाजारात आल्यानंतरचे हे तिचे पहिलेच मिड-लाइफसायकल अपडेट (Mid-lifecycle update) आहे. नव्या मॉडेलची सुरुवातीची एक्स-शोरूम किंमत 10 लाख रुपये ठेवण्यात आली आहे.
या गाडीची थेट स्पर्धा Volkswagen Virtus, Honda City आणि Hyundai Verna यांसारख्या गाड्यांशी होणार आहे. तुलना करायची तर Honda City ची किंमत 12 लाख रुपये ते 21.36 लाख रुपये, तर Hyundai Verna ची किंमत 11 लाख रुपये ते 18.31 लाख रुपयांदरम्यान आहे. Volkswagen Virtus ची किंमत 10.71 लाख रुपये ते 19.20 लाख रुपयांदरम्यान आहे.
सुरुवातीची किंमत जुन्या मॉडेलप्रमाणेच 10 लाख रुपये असली, तरी टॉप मॉडेलच्या किंमतीत सुमारे 64,000 रुपयांनी वाढ झाली आहे.
व्हेरियंटनुसार एक्स-शोरूम किमती अशा आहेत. Classic 1.0 TSI MT साठी 10.00 लाख रुपये. Classic+ 1.0 TSI MT साठी 10.99 लाख रुपये आणि 1.0 TSI AT साठी 12.49 लाख रुपये. Signature 1.0 TSI MT साठी 13.94 लाख रुपये आणि 1.0 TSI AT साठी 14.94 लाख रुपये. Sportline 1.0 TSI MT साठी 14.34 लाख रुपये आणि 1.0 TSI AT साठी 15.34 लाख रुपये. Prestige 1.0 TSI MT साठी 15.89 लाख रुपये, 1.0 TSI AT साठी 16.89 लाख रुपये आणि 1.5 TSI AT साठी 18.59 लाख रुपये. Monte Carlo 1.0 TSI AT साठी 17.29 लाख रुपये आणि 1.5 TSI AT साठी 18.84 लाख रुपये.
बाहेरून गाडी मूळ डिझाइनसारखीच दिसते, पण काही बारीक बदलांमुळे ती जास्त टोकदार आणि स्पोर्टी वाटते. पुढच्या बाजूला सेगमेंटेड DRLs सह अपडेटेड LED हेडलाइट्स, ग्रिलवर सेगमेंटेड क्रोम स्ट्रिप, नवे LED फॉग-लॅम्प्स आणि सुधारित एअर डॅमसह स्पोर्टी बंपर आहे. बाजूला आणि मागे नव्या डिझाइनची 16-इंच अलाय व्हील्स, क्रोम-टिप विंडो लाईन, सिक्वेन्शियल टर्न इंडिकेटर्ससह सुधारित LED टेल-लॅम्प्स आणि नवा रिअर बंपर मिळतो.
ही कार Arctic Silver आणि Cappuccino Beige या दोन नव्या रंगांतही मिळणार आहे. Monte Carlo एडिशनमध्ये ऑल-ब्लॅक एक्सटीरियर एलिमेंट्स, विशेष Monte Carlo बॅजिंग, ग्रिलवर लाल रंगाचे हायलाइट्स आणि ड्युअल-टोन पर्याय आहेत.
गाडीची लांबी 4,552 मिमी, रुंदी 1,752 मिमी आणि उंची 1,507 मिमी आहे. व्हीलबेस 2,651 मिमी, ग्राउंड क्लिअरन्स 179 मिमी आणि बूट स्पेस 521 लीटर आहे.
आतमध्ये मानक ट्रिम्समध्ये बेज-आणि-ब्लॅक थीम तशीच ठेवली आहे, पण पूर्वीच्या कॉपर इन्सर्ट्सऐवजी आता सिल्व्हर-बेज इन्सर्ट्स आहेत. Monte Carlo व्हेरियंटमध्ये रेड स्टिचिंग आणि ऑल-ब्लॅक इंटीरियर थीम दिसते.
नव्या फीचर्समध्ये Google AI असिस्टंटसह 10.1-इंच इन्फोटेनमेंट सिस्टीम, 10.25-इंच डिजिटल ड्रायव्हर डिस्प्ले, 360-Degree कॅमेरा आणि एसीसाठी नवा व्हेरियबल-जिओमेट्री कॉम्प्रेसर यांचा समावेश आहे. या कॉम्प्रेसरमुळे एसीच्या कामगिरीत लक्षणीय सुधारणा झाली आहे. या सेगमेंटमध्ये प्रथमच मागच्या सीटसाठी मासेज फंक्शन (Massage Function) दिले आहे. सिंगल-पॅन सनरुफ, वायरलेस Apple CarPlay आणि Android Auto, वायरलेस फोन चार्जर, व्हेंटिलेटेड फ्रंट सीट्स आणि 8-Speaker ऑडिओ सिस्टीम कायम आहे. या गाडीत ADAS फीचर दिलेले नाही.
इंजिनचे तेच दोन टर्बो-पेट्रोल पर्याय कायम आहेत. 1.0-Litre Turbo Petrol इंजिन 115 एचपी पॉवर आणि 178 एनएम टॉर्क देते, त्यासाठी 6-स्पीड मॅन्युअल आणि नवा 8-स्पीड टॉर्क-कन्व्हर्टर ऑटोमॅटिक गिअरबॉक्स मिळतो. 1.5-Litre Turbo Petrol इंजिन 150 एचपी पॉवर आणि 250 एनएम टॉर्क देते, सोबत 7-स्पीड डीसीटी गिअरबॉक्स कायम आहे.
क्लेम केलेले मायलेज 1.0 TSI MT साठी 19.76 किमी प्रति लीटर, 1.0 TSI AT साठी 19.50 किमी प्रति लीटर आणि 1.5 TSI AT साठी 18.79 किमी प्रति लीटर आहे.
