रिसोडमध्ये वर्षा कानडे यांच्याकडे राष्ट्रवादी काँग्रेसच्या शहर महिला अध्यक्षपदाची धुरा

रिसोड शहरातील राष्ट्रवादी काँग्रेस पक्षाच्या महिला आघाडीत नवं नेतृत्व आलं आहे. सौ. वर्षा अमर कानडे यांची शहर महिला अध्यक्षपदी अधिकृत नियुक्ती झाली असून, या निर्णयामुळे पक्षाच्या स्थानिक कार्यकर्त्यांमध्ये उत्साह दिसून आला.

वाशिम जिल्हा राष्ट्रवादी काँग्रेसचे जिल्हाध्यक्ष चंद्रकांतदादा ठाकरे आणि महिला जिल्हाध्यक्षा माधवीताई झनक यांच्या हस्ते वर्षा कानडे यांना नियुक्तीपत्र सुपूर्द करण्यात आलं. या कार्यक्रमाला तालुक्यातील अनेक महत्त्वाचे पदाधिकारी हजर होते.

यावेळी बोलताना चंद्रकांतदादा ठाकरे म्हणाले की, वर्षा कानडे रिसोड शहरातील महिलांचे प्रश्न मांडण्यासाठी आणि पक्षाची महिला संघटना मजबूत करण्यासाठी पूर्ण ताकदीने काम करतील, असा विश्वास त्यांनी व्यक्त केला.

वर्षा कानडे यांच्यावर आता शहरातील महिलांचे तसेच सर्वसामान्य नागरिकांचे प्रश्न समजून घेऊन ते सोडवण्याची जबाबदारी येऊन पडली आहे. त्यांच्या या नियुक्तीमुळे पक्षाच्या रिसोडमधील महिला संघटनेला नवी ऊर्जा मिळेल, असं स्थानिक पदाधिकारी आणि कार्यकर्त्यांचं म्हणणं आहे.

वर्षा कानडे यांनी यावेळी बोलताना सांगितलं की, "पक्षाने माझ्यावर टाकलेली जबाबदारी मी पूर्ण निष्ठेने आणि प्रामाणिकपणे पार पाडणार आहे." शहरातील महिलांच्या अडचणी समजून घेऊन त्या सोडवण्यासाठी आणि महिलांना एकत्र आणून पक्षाची महिला संघटना अधिक भक्कम करण्यासाठी सगळ्यांना सोबत घेऊन काम करणार असल्याचंही त्यांनी सांगितलं. पक्षाच्या विचारसरणीनुसार शहरातील महिला आणि सामान्य नागरिकांच्या हितासाठी सतत काम करत राहणार असल्याचं त्यांनी नमूद केलं.

या नियुक्तीच्या कार्यक्रमाचे अध्यक्षस्थान वाशिम जिल्हा राष्ट्रवादी काँग्रेसचे जिल्हाध्यक्ष चंद्रकांत दादा ठाकरे यांनी भूषवलं. यावेळी महिला जिल्हाध्यक्ष माधवीताई झनक, जिल्हा उपाध्यक्ष डॉ. माधवराव जाधव, जिल्हा प्रवक्ता गजाननराव आरु, ज्येष्ठ नेते भागवतराव गाभणे, सामाजिक न्याय जिल्हाध्यक्ष दौलत इंगोले, पंजाबराव अवचार, ज्येष्ठ नेते शिंदे मामा, माजी पंचायत समिती सभापती बंडूभाऊ हाडे, युवक जिल्हाध्यक्ष प्रमोद चौधरी, कृषी औद्योगिक संस्था सदस्य डॉ. विशाल भाऊ सोमटकर यांच्यासह जिल्हा महिला उपाध्यक्ष ज्योतीताई काठोळे, तालुका अध्यक्ष तेजराव पाटील वानखडे, तालुका महिला अध्यक्ष किरण ताई बदर, शहराध्यक्ष गोपाल भाऊ मगर, जयवंतराव हिलोडे, श्रावण भाऊ जमदाडे, प्रदेश सचिव अल्ताफ भाई घनकर आणि इतर अनेक पदाधिकारी, कार्यकर्ते तसेच मोठ्या संख्येने शेतकरी, शेतमजूर आणि कामगार उपस्थित होते.

वर्षा कानडे यांच्या नियुक्तीचं पक्षाच्या पदाधिकाऱ्यांनी, महिला कार्यकर्त्यांनी आणि विविध स्तरांतून अभिनंदन केलं असून, त्यांच्या नेतृत्वाखाली रिसोड शहरातील महिला संघटनेला पुढील काळात नवी दिशा मिळेल, अशी अपेक्षा व्यक्त करण्यात येत आहे.