राष्ट्रीय कराटे स्पर्धेत कोरपना येथील वॉरियर्स मार्शल आर्ट्स आणि स्पोर्ट क्लबचे घवघवीत यश

उज्जैन येथे आयोजित करण्यात आलेल्या राष्ट्रीय कराटे स्पर्धा 2026 मध्ये वॉरियर्स मार्शल आर्ट्स आणि स्पोर्ट क्लब, कोरपना च्या खेळाडूंनी उल्लेखनीय कामगिरी केली. या खेळाडूंनी स्पर्धेत एकूण 6 पदके पटकावली.

राष्ट्रीय स्तरावरील या स्पर्धेत क्लबच्या खेळाडूंनी उत्कृष्ट खेळाचे प्रदर्शन केले. त्यांनी 2 सुवर्ण आणि 4 रौप्य पदके मिळवली आणि कोरपना चे नाव राष्ट्रीय स्तरावर उंचावले.

पदक विजेत्या खेळाडूंमध्ये प्रेम मुरलीधर सलाम आणि प्रतीक बालाजी नरवटे यांनी सुवर्ण पदक मिळवले. सिद्धांत प्रवीण पेटकर, श्रीओम् कृष्णा घोसे, नैनिशा नागार्जुन कोमिनेनी आणि परी कृष्णा घोसे यांनी रौप्य पदके जिंकली.

या यशाबद्दल सर्व पदकविजेत्या खेळाडूंचे वॉरियर्स मार्शल आर्ट ॲन्ड स्पोर्ट क्लब कोरपना तसेच पालक, क्रीडाप्रेमी आणि हितचिंतकांकडून अभिनंदन करण्यात येत आहे.

या खेळाडूंना मुख्य प्रशिक्षक सुरज खोबरकर यांच्या मार्गदर्शनाखाली प्रशिक्षण मिळाले. या यशामुळे कोरपना परिसरातील युवा खेळाडूंमध्ये कराटे आणि मार्शल आर्ट्सबद्दल उत्साह निर्माण झाला आहे. राष्ट्रीय स्तरावर मिळवलेले हे यश परिसरासाठी अभिमानाची बाब ठरले आहे.