२००६ च्या किसिंग वादावर मीका सिंह म्हणतो, तेव्हा मला अक्कल नव्हती

बॉलिवूड अभिनेत्री राखी सावंत कुठल्या ना कुठल्या कारणाने नेहमीच चर्चेत असते. तिचे सोशल मीडियावरचे व्हिडीओही अनेकदा व्हायरल होतात. आता पुन्हा एकदा ती चर्चेत आली आहे, आणि यावेळी कारण आहे तिच्यासोबतचा जुना किसिंग वाद आणि त्यावर गायक मीका सिंह यांनी केलेले वक्तव्य.

हा वाद २००६ मधला आहे. त्या वर्षी राखी सावंतच्या वाढदिवसाच्या पार्टीत मीका सिंहने तिला किस केले होते आणि त्यावरून मोठा गदारोळ झाला होता. त्यानंतर दोघांमध्ये बराच काळ वाद सुरू राहिलेला पाहायला मिळाला. आता एका पॉडकास्टमध्ये मीकाला त्याच्या जुन्या वादांबद्दल विचारण्यात आले.

या प्रश्नावर मीका म्हणाला, "माझे वाद पुन्हा उद्भवत नाहीत. जर मी कोणाला एकदा किस केली, तर मी त्याला १० वेळा किस किस करणार नाही." आपल्या वादांबद्दल पुढे बोलताना त्याने, "एवढ्या वादांनंतरही मी नंबर १ आहे," असेही म्हटले.

राखी सावंतसोबतचा किसिंग वाद त्याने मुद्दाम उभा केला होता का, असेही मीकाला विचारण्यात आले. त्यावर तो म्हणाला, "त्यावेळी मी लहान होतो आणि मला अक्कल नव्हती." वादानंतरही आपण करिअरवर लक्ष दिले आणि आजही यशस्वी आहोत, असे त्याने सांगितले.

राखीसोबतच्या वादाविषयी विचारले असता मीकाने दावा केला की, "तो वाद राखी सावंतने सुरू केला होता." मात्र आज दोघांची चांगली मैत्री आहे, असेही त्याने सांगितले. तो राखीशी रोज बोलतो आणि तिचा मोठा चाहता आहे, असे मीका म्हणाला. राखीच्या लोकप्रियतेचे त्याने कौतुकही केले.

कौतुक करताना मीका म्हणाला की, आज एखादी व्यक्ती बिग बॉस जिंकली तरी पुढच्या वर्षी लोक तिला विसरू शकतात. पण राखी सावंतला संपूर्ण भारत ओळखतो. "तुम्ही तिचा द्वेष करू शकता, तिच्यावर प्रेम करू शकता; पण तुम्ही तिच्याकडे दुर्लक्ष करू शकत नाही," असे तो म्हणाला.

राखीने अनेकदा आपल्यामुळे मीकाला फायदा झाला असे सांगितले आहे, असे त्याने नमूद केले. पण मीकाच्या मते राखीला मिळालेले यश तिच्या स्वतःच्या गुणांमुळे आहे. कॅमेरा सुरू होताच ती सगळ्यांचे लक्ष वेधून घेते, असेही त्याने सांगितले.

याच मुलाखतीत मीकाने कॉमेडियन समय रैनाचाही उल्लेख केला. समयला मेसेज करून त्याचे कॉमेडियन म्हणून काम किंवा शो फारसे आवडत नाहीत, असे आपण सांगितले होते, असे त्याने म्हटले. मात्र समय गिटार खूप छान वाजवतो, असेही मीका म्हणाला. त्यानंतर समय रैनाने मीकाला व्हिडीओ कॉल केला आणि त्याच्यासाठी गिटार वाजवली. हा किस्सासुद्धा मीकाने मुलाखतीत सांगितला.