मुंबई पोर्ट अथॉरिटीत क्लास I आणि क्लास II च्या २५ जागांची भरती, २८ ऑक्टोबरपर्यंत अर्ज
मुंबई पोर्ट अथॉरिटीने (MbPA) क्लास I आणि क्लास II मधील २५ पदांसाठी अधिकृत जाहिरात प्रसिद्ध केली असून ऑनलाइन अर्जाची अंतिम तारीख २८ ऑक्टोबर २०२६ आहे.
नोकरीच्या शोधात असलेल्या तरुणांसाठी एक चांगली बातमी आहे. मुंबई पोर्ट अथॉरिटीने (MbPA) क्लास I आणि क्लास II मधील विविध पदांच्या भरतीसाठी अधिकृत जाहिरात प्रसिद्ध केली आहे. ही भरती सध्या एकूण २५ जागांसाठी होणार असून ऑनलाइन अर्ज आणि शुल्क भरण्याची प्रक्रिया सुरू झाली आहे. अर्ज करण्याची अंतिम तारीख २८ ऑक्टोबर २०२६ आहे, म्हणजेच इच्छुकांनी या तारखेपर्यंत आपला अर्ज भरणे गरजेचे आहे.
या २५ जागांपैकी २४ पदे क्लास वन स्तराची आहेत. त्यात सहाय्यक कार्यकारी अभियंत्याच्या ५ जागा आणि कार्यकारी अभियंता (सिव्हिल) च्या १३ जागा आहेत. उप सामग्री व्यवस्थापकाची १ जागा, कार्यकारी अभियंता (टेलिकॉम/इलेक्ट्रॉनिक्स) ची १ जागा आणि अकाउंट्स ऑफिसर ग्रेड I ची १ जागा भरली जाणार आहे. सहाय्यक ट्रॅफिक मॅनेजर ग्रेड I साठी १ जागा, तर सहाय्यक इस्टेट मॅनेजर ग्रेड I साठी २ जागा आहेत. क्लास टू मधील सहाय्यक सुरक्षा अधिकाऱ्याची १ जागा आहे.
वेतनाबद्दल सांगायचे तर क्लास I पदांसाठी मूळ वेतन ५०,००० ते १,६०,००० रुपये असेल. इतर भत्ते धरून अंदाजे मासिक एकूण वेतन सुमारे ९४,५०० रुपयांपेक्षा जास्त असेल. सहाय्यक सुरक्षा अधिकारी (क्लास II) पदासाठी मूळ वेतन ४०,००० ते १,४०,००० रुपये आहे. या पदाचे मासिक एकूण वेतन सुमारे ७५,६०० रुपये असेल आणि त्यासोबत HRA मिळेल.
वयोमर्यादेबद्दल सांगायचे तर, या पदांसाठी इच्छुक उमेदवाराचे वय १८ ते ३० वर्षांच्या दरम्यान असणे गरजेचे आहे. मागासवर्गीय उमेदवारांना आणि नियमांनुसार कमाल वयोमर्यादेत सवलत लागू आहे.
अर्ज शुल्काची रचना अशी आहे. SC / ST / PwBD उमेदवारांना केवळ Intimation Charges म्हणून २५० रुपये भरावे लागतील, त्यावर १८% GST लागेल. इतर सर्व उमेदवारांसाठी अप्लिकेशन फी आणि Intimation Charges धरून ७५० रुपये आहेत, त्यावरही १८% GST लागेल.
अर्ज कसा करायचा, तर इच्छुक आणि पात्र उमेदवारांनी मुंबई पोर्ट अथॉरिटीच्या अधिकृत संकेतस्थळावर (www.mumbaiport.gov.in) जावे. तिथे "People & Career/ Jobs" या मेनूमध्ये जाऊन ऑनलाइन पद्धतीने अर्ज करणे आवश्यक आहे. इतर कोणत्याही मार्गाने आलेले अर्ज स्वीकारले जाणार नाहीत.
