जॉन डियर इंडियाने एका वर्षात भारतात 1 लाखांहून अधिक ट्रॅक्टर विकले

जॉन डियर इंडियाने भारतात एका वर्षात 1 लाखांहून अधिक ट्रॅक्टर विकले आहेत. डियरच्या आर्थिक वर्षात कंपनीने हा महत्त्वाचा टप्पा गाठला. यावरून शेतकरी, कृषी उद्योजक आणि वितरण भागीदार यांचा कंपनीची उत्पादने, तंत्रज्ञान आणि ग्राहक समर्थन जाळे यांच्यावरील विश्वास दिसून येतो, असे कंपनीने म्हटले आहे.

कंपनीच्या भारतातील प्रवासातला हा एक महत्त्वाचा अध्याय मानला जात आहे. शेतीची उत्पादकता आणि कार्यक्षमता वाढवण्यात यांत्रिकीकरणाची भूमिका वाढत चालली आहे, हेही यातून दिसते. स्थानिक पातळीवरच्या उपाययोजनांच्या माध्यमातून कंपनी वेगवेगळी पिके, शेतीच्या पद्धती आणि कृषी-हवामान परिस्थिती यांमध्ये भारतीय शेतीच्या बदलत्या गरजांना साथ देत आहे.

जॉन डिरे इंडियाचे मॅनेजिंग डायरेक्टर आणि कंट्री मॅनेजर तसेच स्ट्रॅटेजिक अॅडव्हायजर टू द प्रेसिडेंट कन्स्ट्रक्शन अँड फॉरेस्ट्री वर्ल्डवाइड राजेश सिन्हा यांनी याबद्दल प्रतिक्रिया दिली. ते म्हणाले, "एका वर्षात 1 लाखांहून अधिक ट्रॅक्टर विकणे हा केवळ एक व्यावसायिक टप्पा नाही; भारतीय शेतकरी आणि चॅनेल भागीदार जॉन डियरवर असलेल्या आत्मविश्वासाचे हे प्रतिबिंब आहे."

सिन्हा पुढे म्हणाले की, शेतकऱ्यांना विश्वासार्ह उपकरणे, प्रगत तंत्रज्ञान आणि उत्पादकता, नफा व टिकाऊपणा सुधारण्यास मदत करणाऱ्या उपाययोजना देण्यासाठी कंपनी वचनबद्ध आहे.

गेल्या काही वर्षांत जॉन डियरने भारतीय बाजारपेठेसाठी तयार केलेले तंत्रज्ञान आणि उपाययोजना यांच्या मदतीने शेतीच्या यांत्रिकीकरणाला चालना दिली आहे. जॉन डियरच्या जागतिक कामकाजात ही कंपनी महत्त्वाची भूमिका बजावते. भारतातून जगभरातील 110 हून अधिक देशांमध्ये कंपनी उत्पादने निर्यात करते.

सुमारे 1 लाखांच्या विक्रीचा हा टप्पा देशभरातील कर्मचारी, वितरक, पुरवठादार आणि व्यावसायिक भागीदार यांच्या एकत्रित प्रयत्नांचे प्रतिबिंब आहे. मजबूत विक्रेत्यांचे जाळे आणि विक्रीनंतर तत्परतेने मिळणारी सेवा यांच्या जोरावर जॉन डियर ग्राहकांना उत्पादकता वाढवण्यात मदत करत आहे. त्याचबरोबर शाश्वत कृषी पद्धतींनाही कंपनी प्रोत्साहन देत आहे.

जॉन डियर भारतात सुमारे 28 वर्षांहून अधिक काळ कार्यरत आहे. कंपनीच्या कामात पुणे आणि देवास येथील ट्रॅक्टर उत्पादन सुविधा, पुण्यातील अभियांत्रिकी आणि उद्यम तंत्रज्ञान क्षमता, पुणे आणि बेंगळुरू येथील जागतिक माहिती तंत्रज्ञान उपस्थिती, नागपूर आणि इंदूर येथील भाग वितरण सुविधा तसेच पुणे येथील वित्तीय सेवा कार्ये यांचा समावेश आहे. या सर्व क्षमतांमुळे भारतीय बाजारपेठेतील तसेच जागतिक स्तरावरील जॉन डियरच्या व्यवसायाला आधार मिळतो.