चेंबूरमध्ये होमलेनचे नवे एक्स्पिरियन्स सेंटर; मुंबईतले चौथे केंद्र सुरू

घराच्या इंटिरिअर डिझाइन क्षेत्रात काम करणाऱ्या होमलेन या ब्रँडने मुंबईतला आपला विस्तार अधिक वेगाने सुरू केला आहे. कंपनीने चेंबूर येथे नवे एक्स्पिरियन्स सेंटर सुरू केले असून, मुंबईतले हे कंपनीचे चौथे केंद्र ठरले आहे. पूर्व उपनगरांतल्या ग्राहकांना आधुनिक इंटिरिअर डिझाइनचा प्रत्यक्ष अनुभव मिळावा, हा या नव्या स्टुडिओमागचा उद्देश आहे.

६०० चौरस फुटांच्या या केंद्रातून ग्राहकांना डिझाइनपासून ते प्रत्यक्ष काम पूर्ण होईपर्यंतच्या सर्व सेवा मिळणार आहेत.

चेंबूर येथील या नव्या केंद्राचे उद्घाटन महाराष्ट्र शासनाचे माजी गृहराज्यमंत्री कृपाशंकर सिंह यांच्या हस्ते करण्यात आले. यावेळी अणुशक्तीनगरच्या आमदार सना मलिक शेख आणि शिवसेना (उद्धव बाळासाहेब ठाकरे) पक्षाचे माजी राष्ट्रीय प्रवक्ते आनंद दुबे प्रमुख पाहुणे म्हणून उपस्थित होते. महाराष्ट्र शासनाचे माजी कॅबिनेट मंत्री नवाब मलिक, होमलेनचे वरिष्ठ अधिकारी आणि व्यावसायिक भागीदार यांनीही कार्यक्रमाला हजेरी लावली.

हे केंद्र आर्किटेक्ट नम्रता हेगडे यांच्या भागीदारीत सुरू करण्यात आले आहे. ते फ्रेंचायजी-ओन्ड, फ्रेंचायजी-ऑपरेटेड म्हणजेच FOFO मॉडेलअंतर्गत चालवले जाणार आहे.

नव्या स्टुडिओमध्ये ग्राहकांना मॉड्युलर किचन, वॉर्डरोब्स आणि संपूर्ण घरासाठीचे वेगवेगळे इंटिरिअर सोल्यूशन्स प्रत्यक्ष पाहता आणि अनुभवता येतील. कंपनीचे 'स्पेसक्राफ्ट' हे पेटंट मिळालेले एआय-सक्षम प्लॅटफॉर्म आहे. त्याच्या मदतीने ग्राहकांना आपल्या घराचे ३डी डिझाइन आधीच पाहता येईल. त्याचबरोबर खर्चाचा अंदाज आणि किमतीच्या रचनेतली पारदर्शकताही ग्राहकांना उपलब्ध करून दिली जाणार आहे.

कंपनी प्रकल्प ४५ दिवसांत पूर्ण करण्याची हमी देत आहे. त्यासोबत १० वर्षांची मटेरियल वॉरंटी आणि संपूर्ण प्रकल्प व्यवस्थापनाची सोयही कंपनी देत आहे.

होमलेनचे सह-संस्थापक आणि सीओओ तनुज चौधरी यांनी सांगितले की, मुंबईतल्या चौथ्या स्टुडिओमुळे स्थानिक ग्राहकांना आधुनिक तंत्रज्ञान आणि पारदर्शक सेवा यांचा लाभ मिळेल. भागीदार आर्किटेक्ट नम्रता हेगडे यांनी चेंबूर निवासी परिसर म्हणून कसा विकसित झाला आहे, याकडे लक्ष वेधले. डिझाइनपासून अंतिम हस्तांतरणापर्यंत ग्राहकांना त्रास न होता सलग अनुभव देण्यावर भर आहे, असेही त्यांनी स्पष्ट केले.

दरम्यान, FOFO मॉडेलच्या माध्यमातून आपले नेटवर्क वाढवण्याची कंपनीची योजना आहे. त्यानुसार चालू वर्षात देशभरात १०० नवीन स्टुडिओ सुरू करण्याचे लक्ष्य कंपनीने ठेवले आहे.