हिरो मोटोकॉर्पची डेस्टिनी ११० क्लासिक एडिशन बाजारात, किंमत ७६,४०० रुपये

हिरो मोटोकॉर्प या कंपनीने आपल्या लोकप्रिय फॅमिली स्कूटरची नवी आवृत्ती बाजारात आणली आहे. डेस्टिनी ११० क्लासिक एडिशन असे तिचे नाव आहे. कंपनी जगातील मोटरसायकल आणि स्कूटर्सची सर्वात मोठी उत्पादक आहे. सणासुदीच्या हंगामाचे औचित्य साधून ही स्पेशल एडिशन आणली गेली आहे. आकर्षक ड्युअल-टोन रंगसंगती, स्ट्राइप डिटेलिंग आणि खास ३डी क्लासिक एडिशन एम्बलम ही तिची ओळख आहे.

डेस्टिनी ११० सप्टेंबर २०२५ मध्ये लाँच झाली होती. आरामदायीपणा, सोईस्करता आणि इंधन कार्यक्षमता यावर भर देऊन ती भारतातील कुटुंबांच्या रोजच्या प्रवासाची गरज भागवते. क्लासिक एडिशन हीच वैशिष्ट्ये पुढे नेते आणि त्याला निओ-रेट्रो डिझाइनची जोड देते. सध्याच्या श्रेणीत हा एक नवा पर्याय आहे.

हिरो मोटोकॉर्पच्या इंडिया बिझनेस युनिटचे चीफ बिझनेस ऑफिसर आशुतोष वर्मा म्हणाले, "डेस्टिनी ११० फॅमिली स्कूटर ग्राहकांच्या रोजच्या गरजा लक्षात घेऊन डिझाइन करण्यात आली आहे, ज्यामध्ये आरामदायीपणा, सोईस्करता आणि इंधन कार्यक्षमता केंद्रस्थानी आहेत. ग्राहकांच्या पसंतीतील बदल लक्षात घेता क्लासिक एडिशनने आपल्या उपयुक्त वैशिष्ट्यांना कायम ठेवत नवीन ड्युअल-टोन रंग आणि वैशिष्ट्यपूर्ण डिझाइनच्या माध्यमातून डेस्टिनी ११० च्या पोर्टफोलिओमध्ये नवीन लूक आणला आहे. ही नवीन एडिशन आम्हाला या मॉडेलच्या प्रस्थापित ताकदीचा विस्तार करण्यास आणि डेस्टिनी ब्रँडला अधिक दृढ करण्यास मदत करेल."

रंगांचे दोन पर्याय आहेत. पहिला ब्राऊन इनर पॅनेल्ससह मॅट गोल्डफिश सिल्व्हर/लाईट इंडस्ट्रियल ग्रे आणि दुसरा ब्लॅक इनर पॅनेल्ससह मॅट एरिस ब्राऊन. फ्रंट हँडल कव्हर आणि बाजूच्या पॅनेल्सवर नवे स्ट्राइप्स आहेत. रंगीत आरसे, रंगसंगतीला जुळणारी सीट व आतील पॅनेल्स, विशेष ३डी क्लासिक एडिशन बॅज आणि ब्रँडेड रिम टेप यामुळे ही स्कूटर अधिक उठून दिसते.

रोजच्या वापराला प्राधान्य देण्याचे वैशिष्ट्य यातही कायम आहे. यात ७८५ मिमी लांबीची सीट आहे. वैशिष्ट्यांमध्ये ती या विभागातील सर्वात लांब सीट असल्याचा उल्लेख केला आहे. प्रशस्त लेगरूमही मिळतो. पुढचे आणि मागचे दोन्ही व्हील १२-इंच आहेत आणि मागचा टायर १००/८०-१२ असा रुंद आहे. १९ लिटर अंडर-सीट स्टोरेज, मोबाईल चार्जिंग सुविधेसह फ्रंट स्टोरेज कम्पार्टमेंट आणि बूट लॅम्प अशा सोयीही आहेत. डिजिटल-अॅनालॉग स्पीडोमीटर, अलॉय व्हील्स आणि क्रोम डिटेलिंगमुळे एकूण पॅकेज अधिक आकर्षक होते.

या स्कूटरमध्ये ११० सीसी रिफाइन्ड इंजिन आहे. हिरो मोटोकॉर्पच्या आय३एस (i3S) तंत्रज्ञानामुळे इंधन कार्यक्षमता कायम राखली गेली आहे. एलईडी प्रोजेक्टर हेडलॅम्प, एलईडी टेल लॅम्प आणि पोझिशन लॅम्पही दिले आहेत. आधुनिक लाइटिंगची निओ-रेट्रो डिझाइनशी चांगली सांगड घातली आहे.

डेस्टिनी ११० क्लासिक एडिशनची किंमत ७६,४०० रुपये (एक्स-शोरूम, दिल्ली) आहे. ही स्कूटर सर्व हिरो डिलरशिप्सवर मिळते.