जरा थांबा अन् ही बातमी वाचाच! आशिया कपच्या दोन्ही ट्रॉफी भारतात येणार? बीसीसीआय करणार मोठा गेम

आशिया कप स्पर्धा नुकतीच पार पडली आणि ती स्पर्धा भारतीय संघाने जिंकली. या स्पर्धेत भारतीय पुरुष आणि महिला अशा दोन्ही संघांनी विजय मिळवला होता. मात्र या दोन्ही विजयांनंतर एक वाद निर्माण झाला. मोहम्मद नकवी यांच्या हस्ते ट्रॉफी स्वीकारण्यास भारतीय संघाने नकार दिला होता. त्यामुळे या दोन्ही ट्रॉफी सध्या भारतात न येता दुबईतील एशियन क्रिकेट काऊन्सिलच्या (ACC) मुख्यालयातच ठेवण्यात आल्या आहेत.

मात्र या दोन्ही ट्रॉफी शेवटी मुंबईतील बीसीसीआयच्या मुख्यालयात नक्की आणल्या जातील, असे बीसीसीआयचे सचिव देवाजीत सैकिया यांनी स्पष्ट केले आहे. त्यामुळे या ट्रॉफी लवकरच भारतात येण्याची शक्यता आता वर्तवली जात आहे.

मुंबईत झालेल्या बीसीसीआयच्या ९५व्या वार्षिक सर्वसाधारण बैठकीनंतर पत्रकारांशी बोलताना सैकिया यांनी ही प्रतिक्रिया दिली. ट्रॉफी सध्या ACC च्या मुख्यालयात का ठेवण्यात आल्या आहेत याबाबत खुलासा करताना ते म्हणाले की, सुरक्षेच्या कारणास्तव आणि प्रशासकीय प्रक्रियेचा भाग म्हणून त्या तात्पुरत्या स्वरूपात दुबईत ठेवण्यात आल्या आहेत. पण त्या लवकरच भारतात आणल्या जातील असे समजते. भारतीय पुरुष आणि महिला अशा दोन्ही संघांनी आशिया कप स्पर्धा जिंकली आहे, हे त्यांनी पुन्हा एकदा अधोरेखित केले.

सैकिया यांनी सांगितले, आशिया कप स्पर्धेच्या दोन्ही ट्रॉफी एक दिवस नक्की भारतात येतील अशी आम्हाला पूर्ण अपेक्षा आणि आशा आहे. यासंदर्भात कोणतीही निश्चित वेळ किंवा तारीख मी सांगणार नाही, पण मी तुम्हाला खात्रीने आश्वासन देतो की दोन्ही ट्रॉफी शेवटी मुंबईतील वानखेडे स्टेडियमवरील बीसीसीआयच्या मुख्यालयातच येतील, असे त्यांनी स्पष्टपणे नमूद केले.

महिला आशिया कप २०२६ चा अंतिम सामना १३ सप्टेंबर रोजी दुबई आंतरराष्ट्रीय स्टेडियमवर भारत आणि श्रीलंका यांच्यात खेळला गेला होता. भारतीय संघाने हा सामना जिंकत आशिया कप ट्रॉफीवर आठव्यांदा आपले नाव कोरले. या मोठ्या विजयानंतर सामन्याच्या शेवटी पाकिस्तानसोबतच्या नो हँडशेक पॉलिसीचा वाद पुन्हा एकदा उफाळून आला. भारतीय कर्णधार हरमनप्रीत कौरने मोहसिन नक्वी यांच्याकडून ट्रॉफी स्वीकारण्यास स्पष्ट नकार दिला.

आशिया कप २०२६ चा अंतिम सामना जिंकल्यानंतर भारतीय संघाने त्यावेळी एक महत्त्वाचा निर्णय घेतला होता. त्यांनी पाकिस्तान क्रिकेट बोर्ड आणि आशियाई क्रिकेट परिषदेचे अध्यक्ष मोहसिन नक्वी यांच्याकडून ट्रॉफी स्वीकारण्यास नकार दिला होता. या घटनेनंतरच दोन्ही ट्रॉफी दुबईतील ACC च्या मुख्यालयात ठेवण्याची वेळ आली.