ई-स्प्रिंटोला २०२८ पर्यंत २०० हून जास्त डीलर हवेत; सुरुवात पुण्यासह पाच शहरांत

इलेक्ट्रिक दुचाकी बनवणाऱ्या ई-स्प्रिंटो कंपनीने देशभरात डीलर नेटवर्क वाढवण्याची आणि किरकोळ विक्रीचा पसारा मोठा करण्याची योजना जाहीर केली आहे. ही योजना दोन टप्प्यांत राबवली जाणार आहे. आर्थिक वर्ष २०२८ च्या अखेरपर्यंत देशभरात २०० हून अधिक डीलरांचे मजबूत जाळे उभे करण्याचे कंपनीचे लक्ष्य आहे.

कंपनीने आधी बिझनेस-टू-बिझनेस म्हणजे बी२बी क्षेत्रात आपले स्थान पक्के केले आहे. ७०,००० हून अधिक वाहने रस्त्यावर असल्याचे कंपनी सांगते. आता 'ई-स्प्रिंटो जी१' ही बी२सी इलेक्ट्रिक स्कूटर बाजारात आणून कंपनी रिटेल नेटवर्क वेगाने वाढवत आहे.

पहिल्या टप्प्यात उत्तर, दक्षिण आणि पश्चिम भारतातील मोठ्या बाजारपेठांमध्ये नेटवर्क उभारले जाईल. उत्तर भारतात सुमारे २०, दक्षिण भारतात १५ आणि पश्चिम भारतात १५ नवे डीलर जोडले जातील. दिल्ली-एनसीआर, जयपूर, बेंगळुरू, हैदराबाद आणि पुणे या शहरांना प्राधान्य दिले जाणार आहे. मार्च २०२७ पर्यंत संपूर्ण भारतात ५० हून अधिक डीलर तयार करणे हे या टप्प्याचे मुख्य उद्दिष्ट आहे.

दुसऱ्या टप्प्यात कंपनी मध्य आणि पूर्व भारतातील उदयाला येत असलेल्या बाजारपेठांकडे वळणार आहे. भोपाळ, ग्वाल्हेर, इंदूर, कोलकाता आणि भुवनेश्वर यांसारख्या शहरांमध्ये नेटवर्क वाढवले जाईल. असे टप्प्याटप्प्याने पुढे जाऊन २०२८ आर्थिक वर्षाच्या अखेरीस २०० हून अधिक डीलरांचे जाळे उभारण्याचा कंपनीचा मानस आहे.

या धोरणाबद्दल बोलताना कंपनीच्या सह-संस्थापक शालू गुप्ता म्हणाल्या, "आमच्यासाठी डीलर नेटवर्क उभारणे म्हणजे केवळ नवीन बाजारपेठांमध्ये प्रवेश करणे नाही, तर अशा भागीदारांशी जोडले जाणे आहे जे स्थानिक ग्राहकांच्या गरजा समजतात आणि ईव्ही मालकीच्या संपूर्ण प्रवासात त्यांना पाठिंबा देऊ शकतात. आमचा संपूर्ण भर '३एस' - सेल्स, सर्व्हिस आणि स्पेअर्स यावर केंद्रित आहे. ग्राहकांना मालकीचा एक उत्तम अनुभव मिळावा, यासाठी आम्ही आमची उत्पादन क्षमता आणि डीलर जाळे सुसंगत ठेवत आहोत."

हा विस्तार ई-स्प्रिंटो जी१ च्या नुकत्याच झालेल्या लाँचनंतर होत आहे. या स्कूटरची सुरुवातीची किंमत दिल्लीतील एक्स-शोरूम ८९,९९९ रुपये आहे. जवळपास दोन वर्षे समर्पित संशोधन व विकासाचे काम केल्यानंतर ही स्कूटर तयार झाली आहे. भारतीय प्रवाशांच्या रोजच्या गरजा लक्षात घेऊन तिची रचना केली असून, त्यात वेगवेगळे रायडिंग मोड, बॅटरीचे पर्याय आणि उपयुक्ततेवर भर देणारी वैशिष्ट्ये आहेत.

उत्पादनाच्या आघाडीवर कंपनीकडे सध्या तीन उत्पादन केंद्रे आहेत. त्यांची मिळून वार्षिक उत्पादन क्षमता १.५ लाख युनिट आहे. बी२बी मधून बी२सी सेगमेंटमध्ये उतरताना कंपनीला त्यामुळे भक्कम पायाभूत आधार मिळतो, असे कंपनीचे म्हणणे आहे.