ड्रिंकटेक इंडिया 2026 मध्ये टेट्रा पॅकने मांडले पेयांचे चार नवे ट्रेंड

टेट्रा पॅक इंडिया ग्राहकांच्या चार महत्त्वाच्या बदलांवर प्रकाश टाकणार आहे, जे पेयांच्या पुढच्या पिढीला आकार देतील. हे चार बदल म्हणजे आरोग्याची लाट, सोप्या सुविधा, मूल्याचा शोध आणि नवीन अनुभव व आनंदाचा आस्वाद. ड्रिंकटेक इंडिया 2026 मध्ये ग्राहकांच्या वेगाने बदलणाऱ्या गरजांनुसार उत्पादने तयार करण्यासाठी ब्रँड्सना मदत करण्याचा कंपनीचा प्रयत्न आहे. त्यासाठी पेय संकल्पना, प्रक्रिया तंत्रज्ञान, पॅकेजिंगचे प्रकार आणि व्यावसायिक सहाय्य या सगळ्यांतून हे ट्रेंड प्रत्यक्षात आणले जातील.

"तुमची पुढची पेयाची कल्पना इथून सुरू होते" ही या प्रदर्शनाची थीम आहे. नवकल्पनेचा संपूर्ण प्रवास यातून दिसेल. एखादी नवी गरज फॉर्म्युलेशनमध्ये कशी उतरवता येते, तिची तपासणी आणि सुधारणा कशी होते, कार्यक्षमतेने उत्पादन कसे केले जाते, योग्य पॅकशी ते कसे जुळवले जाते आणि योग्य उत्पादन परिसंस्थेमार्फत ते बाजारात कसे पोहोचते, हे अभ्यागत पाहू शकतील.

पहिला बदल आहे आरोग्याची लाट. साखर न घातलेली, कमी साखर असलेली किंवा साखर नसलेली पेये, तसेच प्रथिने, पचनासाठी फायबर, आतड्यांचे आरोग्य आणि अँटिऑक्सिडंट्स व प्रतिकारशक्ती वाढवणारे घटक यांची मागणी वाढत आहे.

दुसरा बदल सोप्या सुविधांचा आहे. प्रवासात सहज घेता येतील आणि ई-कॉमर्स व डिलिव्हरीमार्फत कधीही मिळतील अशी पेये ग्राहक जास्त मागत आहेत. त्यामुळे जेवणाला पर्याय ठरणारे स्मूदीज, फंक्शनल शॉट्स, पुन्हा बंद करता येणारे पॅक्स, इलेक्ट्रोलाइट्स आणि विशेष पोषणासारख्या श्रेणींतील रेडी-टू-ड्रिंक फॉरमॅट्ससाठी संधी निर्माण होत आहे. अतिरिक्त सॅचुरेटेड प्रिझर्व्हेटिव्ह्ज न घालता जास्त शेल्फ लाइफ असणाऱ्या उत्पादनांसाठीही हीच संधी आहे.

तिसरा बदल म्हणजे मूल्याचा शोध. बाजारात दोन्ही टोकांना नवे मूल्य तयार होत आहे. लहान आणि परवडणाऱ्या किमतीच्या पॅक्समुळे उत्पादन घेणे सोपे होते, तर मल्टीपॅक्स आणि मोठ्या प्रमाणावरील खरेदीमुळे ते आणखी परवडते. प्रीमिअम श्रेणीत साखर न टाकलेली पेये, साखरेला पर्याय, जास्त काळ टिकण्याची क्षमता आणि शाश्वततेचा ठोस संदेश यांमुळे जास्त किंमत योग्य ठरण्यास मदत होते.

चौथा बदल अनुभव व आनंदाचा आस्वाद हा आहे. नवे स्वाद, टेक्श्चर आणि परस्परसंवाद यांमुळे नाविन्याला चालना मिळत आहे. नवीन फळे आणि प्रादेशिक स्वादांचे फ्लेवर्स, विविध पेयांचे मिश्रण, फळांचे कण व गर म्हणजे पल्प, मॉकटेलपासून प्रेरित पाककृती आणि पिण्याचा अनुभव रंजक करणारी क्यूआर (QR) कोड आधारित डिजिटल जोडणी यात येते.

प्रक्रिया तंत्रज्ञानाबद्दल टेट्रा पॅक दाखवणार आहे की उत्पादकांना कार्यक्षमता सुधारण्यात, घटक आणि संसाधनांचा योग्य वापर करण्यात, कचरा कमी करण्यात आणि शाश्वततेच्या उद्दिष्टांना पाठिंबा देत एकूण उत्पादन खर्च कमी करण्यात हे तंत्रज्ञान कशी मदत करू शकते. यात इन-लाईन ब्लेंडिंगचा समावेश आहे, जे घटकांचा वापर आणि मिश्रणाची कार्यक्षमता सुधारण्यासाठी तयार केले आहे. शाश्वत ज्यूस उत्पादनातून गुणवत्ता टिकवून संसाधनांची कार्यक्षमता वाढवण्याच्या संधी दिसतील. हॉरिझॉन्टल फिल्टर उत्पादनाची सुसंगत गुणवत्ता, प्रक्रियेची कामगिरी आणि कार्यात्मक विश्वासार्हता यांना पाठिंबा देण्यासाठी डिझाइन केले आहे. रिव्हर्स ऑस्मोसिस तंत्रज्ञान पेय उत्पादनादरम्यान पाण्याचा वापर कमी करण्यास आणि युटिलिटी कार्यक्षमता सुधारण्यास मदत करू शकते.

हे चारही ट्रेंड ग्राहकांपर्यंत पोहोचवण्यात पॅकेजिंगची भूमिका मुख्य आहे. वेगवेगळी उत्पादने, पिण्याचे प्रसंग, किमती आणि बाजारपेठेचे मार्ग यांसाठी कोणते फॉरमॅट्स योग्य ठरतील, हे दाखवण्यासाठी टेट्रा पॅक 200 मिली ते 1000 मिली आकारातील टेट्रा प्रिझमा(R) ॲसेप्टिक एज फॉरमॅट्सचे प्रदर्शन करेल.

उत्पादनाचा विकास हा प्रवासाचा फक्त एक भाग आहे. टेट्रा पॅक आपले को-पॅकिंग नेटवर्क दाखवेल आणि उत्पादन गरजा, क्षमता व बाजारपेठेच्या मागणीनुसार ग्राहकांना योग्य मॅन्युफॅक्चरिंग भागीदार शोधण्यात ते कशी मदत करू शकते, हेही सांगेल. त्यामुळे नवे आणि प्रस्थापित ब्रँड्स शून्यापासून उत्पादन क्षमता न उभारता योग्य मॅन्युफॅक्चरिंग इकोसिस्टमपर्यंत पोहोचू शकतात आणि बाजारात येण्याचा वेग वाढवू शकतात.