कर्करोग आजाराने ग्रस्त मुलांच्या चेहऱ्यावर फुलले हास्य, अभिनेते विवेक ओबेरॉय यांनी ५०व्या वाढदिवसानिमित्त
राष्ट्रीय कर्करोग गुलाब दिनानिमित्त वांद्रे येथील ताज लँड्स एंड हॉटेलमध्ये विवेक ओबेरॉय यांनी कर्करोगाशी झुंजणाऱ्या ५० मुलांसोबत आपला वाढदिवस साजरा केला आणि त्यांच्या उपचारासाठी पुढाकार घेतला.
अभिनेता विवेक ओबेरॉय यांनी आपला ५०वा वाढदिवस कर्करोगाशी झुंजणाऱ्या मुलांसोबत साजरा करत या मुलांच्या उपचारासाठी पुढाकार घेतला. राष्ट्रीय कर्करोग गुलाब दिनानिमित्त कॅन्सर पेशंट्स एड असोसिएशनतर्फे एका विशेष उपक्रमाचे आयोजन करण्यात आले होते आणि याच उपक्रमात हा कार्यक्रम पार पडला. वांद्रे येथील ताज लँड्स एंड या हॉटेलमध्ये विवेक ओबेरॉय यांनी कर्करोगाशी झुंजणाऱ्या ५० मुलांची भेट घेतली. आपल्या वाढदिवसाचे औचित्य साधत त्यांनी या सगळ्या मुलांच्या उपचारासाठी हातभार लावण्याचा निर्णय घेतला.
यावेळी विवेक ओबेरॉय यांनी मुलांशी मनमोकळ्या गप्पा मारल्या आणि त्यांच्याशी आपुलकीने संवाद साधला. त्यांनी मुलांसोबत केक कापून आपला वाढदिवस साजरा केला आणि प्रत्येक मुलाला लाल गुलाब व भेटवस्तू देऊन आनंद द्विगुणित केला. मुलांच्या चेहऱ्यावर हसू फुलवत विवेक ओबेरॉय यांनी हा खास दिवस सामाजिक बांधिलकी आणि माणुसकीच्या भावनेला समर्पित केला. एरवी उपचारांच्या तणावातून जाणाऱ्या या मुलांसाठी हा दिवस आनंदाचा आणि विसाव्याचा ठरला.
केक कापल्यानंतर विवेक ओबेरॉय मुलांसोबत एका खास व्हिंटेज कार राइडमध्ये सहभागी झाले. मुलांनीही या राइडचा उत्साहाने मनमुराद आनंद लुटला. राष्ट्रीय कर्करोग गुलाब दिनाचे औचित्य साधत वांद्रे-वरळी सी लिंक लाल दिव्यांनी उजळवण्यात आला, जेणेकरून कर्करोगाविरुद्धच्या या लढ्याकडे अधिकाधिक लोकांचे लक्ष वेधले जाईल. या संपूर्ण उपक्रमातून कर्करोगाशी लढणाऱ्या रुग्णांना आणि त्यांच्या कुटुंबीयांना आशा, धैर्य, संवेदना आणि समाजाच्या पाठिंब्याचा संदेश देण्यात आला.
याबाबत बोलताना विवेक ओबेरॉय म्हणाले, "गेल्या दोन दशकांपासून सोबत काम करण्याचा मला अभिमान आहे. माझा ५०वा वाढदिवस कर्करोगाशी झुंजणाऱ्या मुलांसोबत साजरा करणे आणि त्यांच्या उपचारासाठी योगदान देणे, ही माझ्यासाठी अत्यंत विशेष बाब आहे. प्रत्येक मुलाला स्वप्ने पाहण्याची, मोठे होण्याची आणि निरोगी आयुष्य जगण्याची संधी मिळायला हवी." आपल्या या वक्तव्यातून त्यांनी कर्करोगाशी लढणाऱ्या मुलांप्रती असलेली आपली दीर्घकालीन बांधिलकी अधोरेखित केली.
कॅन्सर पेशंट्स एड असोसिएशनच्या कार्यकारी संचालिका यांनीही या उपक्रमाबद्दल आपल्या भावना व्यक्त केल्या. त्या म्हणाल्या, "हे योगदान माझ्यासाठी अत्यंत विशेष बाब आहे. विवेक ओबेरॉय यांनी आपला ५०वा वाढदिवस या मुलांसोबत साजरा करताना ५० मुलांच्या उपचारासाठी घेतलेला पुढाकार हा अत्यंत संवेदनशील आणि प्रेरणादायी आहे. कर्करोगाशी लढणाऱ्या प्रत्येक रुग्णाच्या आणि त्यांच्या कुटुंबीयांच्या पाठीशी समाजाने उभे राहावे, हा संदेश या उपक्रमातून देण्यात आला." अशा प्रकारे या उपक्रमातून कर्करोगाशी लढणाऱ्या रुग्णांना आणि त्यांच्या कुटुंबीयांना समाजाकडून पाठबळाचा संदेश देण्यात आला.
