हॅरी केनला बॅलन डी'ऑर; विराट कोहली म्हणाला, तू या सन्मानाला पात्र आहेस

इंग्लंडच्या फुटबॉल संघाचा कर्णधार हॅरी केन याला प्रतिष्ठेचा बॅलन डी'ऑर (Ballon d'Or) पुरस्कार मिळाला आणि त्यावर भारतीय संघातील दिग्गज फलंदाज विराट कोहली यांनी त्याला शुभेच्छा दिल्या. केन या सन्मानाला पात्र आहे, असे विराटने स्पष्ट सांगितले.

विराटने आपले मत एक्सवर मांडले. त्याने लिहिले की, हॅरी माझ्या मित्रा, इतकी वर्षे सर्वोच्च पातळीवर फुटबॉल खेळताना ज्या हेतूने, ज्या मेहनतीने आणि प्रामाणिकपणाने तू स्वतःला सांभाळलेस, त्यासाठी तू या पुरस्काराचा हक्कदार आहेस. तुझ्या या यशाबद्दल मी खूप आनंदी आहे. देव तुला आणि तुझ्या कुटुंबाला आशीर्वाद देवो. तुझ्याप्रमाणेच त्यांनाही तुझ्या या प्रवासाचा अभिमान वाटेल. माझ्या शुभेच्छा नेहमी तुझ्या पाठीशी आहेत. पुन्हा एकदा अभिनंदन.

हा पुरस्कार लंडन पॅलेडियम थिएटरमध्ये झालेल्या कार्यक्रमात केनला देण्यात आला. शर्यतीत फ्रान्सचा कायलियन एम्बाप्पे आणि स्पेनचा लामिन यामाल यांच्यासारखे खेळाडू होते, पण केनने त्यांना मागे टाकले.

या विजयामुळे केन हा हा पुरस्कार जिंकणारा पाचवा ब्रिटीश खेळाडू ठरला आहे. त्याच्या आधी सर स्टेनली मॅथ्यूज (1956), सर बॉबी चार्लटन (1966), केविन किगन (1978 आणि 1979) आणि मायकल ओवेन (2001) यांनी हा मान मिळवला होता. गेल्या 25 वर्षांत बॅलन डी'ऑर जिंकणारा केन हा इंग्लंडचा पहिलाच खेळाडू आहे.

गेल्या हंगामात केनची कामगिरी जबरदस्त होती. 2025/26 च्या सत्रात त्याने बुंदेसलीगामध्ये बायर्न म्यूनिखसाठी 36 गोल केले. त्यामुळे या स्ट्रायकरला दुसऱ्यांदा युरोपियन गोल्डन शू मिळाला. जर्मन क्लबसाठी सर्व स्पर्धा मिळून त्याने 61 गोल केले आणि जगभरात आपला दबदबा कायम ठेवला.

वर्षातील सर्वोत्तम पुरुष स्ट्रायकरला दिली जाणारी गर्ड मुलर ट्रॉफीही केनने आपल्या नावावर केली. तो हा पुरस्कार दुसऱ्यांदा जिंकला आहे. याआधी 2024 मध्ये त्याने कायलियन एम्बाप्पेसोबत हा पुरस्कार संयुक्तपणे जिंकला होता.

बायर्न म्यूनिख आणि इंग्लंड अशा दोन्ही संघांकडून खेळताना केनचा हंगाम गोलांनी भरलेला राहिला. त्याने 65 सामन्यांत 73 गोल केले. त्यातले 61 गोल क्लबसाठी आणि 12 गोल देशासाठी होते. केनच्या योगदानामुळे इंग्लंड फिफा विश्वचषक 2026 मध्ये तिसऱ्या स्थानी राहिला. 1966 मध्ये विश्वचषक जिंकल्यानंतरची इंग्लंडची ही सर्वोत्तम कामगिरी आहे.