TMKOC क्लब हाऊस अ‍ॅपवरील लाइव्ह क्विझच्या विजेत्यांची मुंबईत घोषणा
तारक मेहता का उल्टा चष्माच्या 18व्या वर्धापनदिनानिमित्त झालेल्या क्विझमध्ये विजेत्या कुटुंबांना गोकुळधाम सोसायटीच्या सेटला भेट देण्याची संधी मिळणार आहे.
सोनी सब आणि नीला फिल्म प्रॉडक्शन्स यांनी मिळून सादर केलेल्या तारक मेहता का उल्टा चष्मा (TMKOC) या भारतातील सर्वात दीर्घकाळ चालणाऱ्या आणि सर्वाधिक लोकप्रिय कौटुंबिक मनोरंजन शोच्या 18व्या वर्धापनदिनानिमित्त 18 दिवसांची लाइव्ह क्विझ आयोजित करण्यात आली होती. ही क्विझ यशस्वीरित्या पूर्ण झाली असून विजेत्यांची घोषणा मुंबईत करण्यात आली.
1 ऑगस्ट ते 21 ऑगस्ट या कालावधीत झालेल्या या क्विझमध्ये देशभरातील लाखो प्रेक्षकांनी भाग घेतला. यामुळे चाहत्यांना त्यांच्या आवडत्या TMKOC शोमधील पात्रं आणि गोकुळधाम सोसायटीच्या जगाचा उत्सव साजरा करण्याची संधी मिळाली. विजेत्यांची घोषणा सुरू असून डॉ. विनीत कुमार, डॉ. महालक्ष्मी अय्यर, खुशबू अमित ठक्कर आणि प्रज्ञा संजय गणात्रा हे त्यांच्या कुटुंबासह मुंबईतील विजेत्या कुटुंबांमध्ये समाविष्ट झाले आहेत.
TMKOC क्लब हाऊस अ‍ॅपवर ही क्विझ लाइव्ह होस्ट करण्यात आली होती. हे अ‍ॅप शोचा अधिकृत डिजिटल साथीदार असून, या क्विझमुळे भारतातील चाहत्यांना गोकुळधाम सोसायटी आणि तिथल्या आवडत्या रहिवाशांबद्दलचं आपलं ज्ञान रिअल टाइममध्ये पडताळण्याची संधी मिळाली. क्विझ व्यतिरिक्त हे अ‍ॅप चाहत्यांना त्यांच्या आवडत्या पात्रांवर आधारित मिनी-गेम टूर्नामेंट्सद्वारेही बक्षिसे देत असतं, ज्यामुळे TMKOC विश्वाला एक नवा आणि इंटरॅक्टिव्ह आयाम मिळतो.
क्विझच्या अटींनुसार, डॉ. विनीत कुमार, डॉ. महालक्ष्मी अय्यर, खुशबू अमित ठक्कर, प्रज्ञा संजय गणात्रा आणि त्यांची कुटुंबं गोकुळधाम सोसायटीच्या प्रसिद्ध सेटला भेट देतील, तारक मेहता का उल्टा चष्माच्या शूटिंगचा जवळून अनुभव घेतील आणि कलाकारांसोबत शोच्या 18 वर्षांचा टप्पा साजरा करतील. हा संपूर्ण अनुभव सोनी सब आणि नीला फिल्म प्रॉडक्शन्स यांच्या संयुक्त सौजन्याने आयोजित केला जात आहे. सुरुवातीच्या योजनेपेक्षा जास्त प्रतिसाद मिळाल्यामुळे 18 पेक्षा जास्त कुटुंबांना ही संधी देण्याचा निर्णय घेण्यात आला आहे.
तारक मेहता का उल्टा चष्माचे क्रिएटर आणि प्रोड्यूसर असित कुमार मोदी यांनी सांगितलं की, या क्विझसाठी प्रेक्षकांनी दाखवलेलं प्रेम खरोखरच जबरदस्त आहे. अठरा दिवस देशभरातील कुटुंबांनी त्यांच्यासोबत 18वा वर्धापनदिन साजरा केला आणि हेच त्यांच्यासाठी सर्वात मोठं बक्षीस आहे. सहभागाच्या प्रमाणामुळे प्रेरित होऊन मूळ योजना वाढवण्यात आली आणि 18 पेक्षा जास्त कुटुंबांना गोकुळधाम सोसायटीला भेट देण्यासाठी आमंत्रित करण्याचा निर्णय घेण्यात आला, असं ते म्हणाले.
सोनी सबचे चीफ कंटेंट ऑफिसर अजय भालवणकर यांनी सांगितलं की, तारक मेहता का उल्टा चष्माने वर्षानुवर्षे प्रेक्षकांशी एक खास नातं तयार केलं आहे आणि क्विझला मिळालेला प्रतिसाद हाच त्या नात्याचा पुरावा आहे. TMKOCच्या 18 वर्षांचा उत्सव साजरा करण्यासाठी कुटुंबं एकत्र येताना पाहणं खूप आनंददायी होतं, आणि प्रेक्षकांना शो बघण्यापलीकडे जाऊन गोकुळधाम सोसायटीचा प्रत्यक्ष अनुभव देऊन हा टप्पा साजरा केला जात आहे, असं त्यांनी सांगितलं.
क्विझचे निकाल रोज जाहीर केले जात असून विजेते कोण आहेत हे जाणून घेण्यासाठी प्रेक्षकांना सोनी सबवर तारक मेहता का उल्टा चष्मा बघण्याचं आवाहन करण्यात आलं आहे. विजेत्यांची संपूर्ण यादी येत्या काही दिवसांत TMKOC क्लब हाऊस अ‍ॅपवर शेअर केली जाईल. पुढील औपचारिकतेसाठी सर्व विजेत्यांशी तारक मेहता का उल्टा चष्मा टीमकडून वैयक्तिकरित्या संपर्क साधला जाणार आहे.
