ठाण्याच्या डॉक्टरचा विदेशात डंका, डॉ. निलेश पोतदार यांना Asia's Modern Hero Award 2026

ठाण्यातील प्रसिद्ध न्यूरोसर्जन डॉ. निलेश पोतदार यांना आंतरराष्ट्रीय पुरस्कार मिळाला आहे. फिलिपिन्सची राजधानी मनिला येथे त्यांना Asia's Modern Hero Award 2026 देऊन गौरवण्यात आले. ठाण्यासाठी ही अभिमानाची गोष्ट मानली जात आहे.

हा सोहळा 25 सप्टेंबरला मनिलातील प्रसिद्ध ओकाडा हॉटेलमध्ये झाला. ECOP चे अध्यक्ष डॉ. सर्जिओ ऑर्टिज-लुईस ज्युनिअर आणि झेक प्रजासत्ताकचे राजदूत श्री. कारेल हेयट्स यांच्या हस्ते डॉ. पोतदार यांना हा अवॉर्ड देण्यात आला. देशविदेशातील मोठे डॉक्टर आणि उद्योजक कार्यक्रमाला आले होते आणि त्यांच्यात ठाण्याच्या डॉक्टरने बाजी मारली.

डॉ. पोतदार दोन हॉस्पिटलशी जोडलेले आहेत. ते मर्क्युरी हॉस्पिटलचे डायरेक्टर आहेत आणि गॅलेक्सी सुपरस्पेशालिटी हॉस्पिटलमध्ये न्यूरोसर्जन म्हणून काम करतात.

ब्रेन आणि स्पाइन सर्जरीत डॉ. पोतदार यांचे नाव मोठे आहे. ज्या सर्जरी करायला अनेक डॉक्टर घाबरतात, त्या ते अचूकपणे करतात. एंडोस्कोपिक स्पाइन सर्जरी ही त्यांची सगळ्यात मोठी खासियत आहे.

या पद्धतीत पाठीच्या मणक्याची सर्जरी करताना मोठा काप द्यावा लागत नाही. एका छोट्याशा छिद्रातून कॅमेरा टाकून सर्जरी केली जाते. त्यामुळे पेशंटला वेदना कमी होतात, रक्तही कमी जाते आणि पेशंट दोन-तीन दिवसांत चालायला लागतो. आधी अशा सर्जरीनंतर महिनाभर आराम करावा लागायचा, आता तसे नाही. या अचूक उपचार पद्धतीमुळेच त्यांना हा आंतरराष्ट्रीय सन्मान मिळाला आहे.

याआधी 2025 मध्येही त्यांना मोठा सन्मान मिळाला होता. सिलिकॉन इंडिया हेल्थकेअरने त्यांची निवड देशातील टॉप 10 न्यूरोसर्जनच्या यादीत केली होती.

पुरस्कार मिळाल्यावर डॉ. निलेश पोतदार म्हणाले, "अचूक उपचार हेच माझे ध्येय आहे. हा पुरस्कार मिळाल्यामुळे अजून चांगले काम करण्याची प्रेरणा मिळाली आहे. हा सन्मान फक्त माझा नाही, तर मर्क्युरी हॉस्पिटल आणि गॅलेक्सी हॉस्पिटलमधील माझ्या पूर्ण टीमचा आहे. ठाणे आणि आजूबाजूच्या लोकांना मुंबईला न जाता ठाण्यातच ब्रेन आणि स्पाइनचे अत्याधुनिक उपचार मिळावेत यासाठी आम्ही प्रयत्न करत आहोत."

आधी अशा मोठ्या सर्जरीसाठी लोकांना मुंबईच्या मोठ्या हॉस्पिटलमध्ये जावे लागायचे. आता तेच आधुनिक तंत्रज्ञान आणि तेच एक्सपर्ट डॉक्टर ठाण्यातच उपलब्ध आहेत. डॉ. पोतदार यांच्या रूपाने ठाण्याला आंतरराष्ट्रीय दर्जाचा न्यूरोसर्जन मिळाला आहे. या पुरस्कारामुळे ठाण्याचे नाव वैद्यकीय क्षेत्रात आंतरराष्ट्रीय पातळीवर गेले आहे. भविष्यात त्यांच्या हातून अजून मोठे काम होईल, अशी अपेक्षा आहे.