Parivartini Ekadashi: परिवर्तिनी एकादशीच्या दिवशी सुख समृद्धीसाठी करा हे खास उपाय

हिंदू धर्मात एकादशीला खूप महत्त्व दिलं जातं. वर्षभरात एकूण २४ एकादशींचे उपवास केले जातात आणि दर महिन्याला दोनदा भगवान विष्णूची पूजा करण्याची संधी मिळते. असं मानलं जातं की एकादशीच्या दिवशी भगवान विष्णू आणि देवी लक्ष्मीची पूजा केल्यानं सुख, समृद्धी आणि पैसा मिळतो.

भाद्रपद महिना अतिशय पवित्र मानला जातो आणि याच महिन्यात येणारी एकादशी म्हणजे परिवर्तिनी एकादशी. हिला जलझुलानी एकादशी असंही म्हणतात. यंदा ही एकादशी एका शुभ योगायोगासोबत येत आहे. वैदिक पंचांगानुसार परिवर्तिनी एकादशी मंगळवार, २२ सप्टेंबर रोजी आहे. एकादशी सोमवार २१ सप्टेंबरला रात्री ८ वाजण्याच्या सुमारास सुरू होणार असून २२ सप्टेंबरला रात्री ९:४३ वाजण्याच्या सुमारास संपणार आहे. या पवित्र तिथीच्या निमित्तानं प्रत्येक राशीसाठी वेगवेगळे उपाय सांगितले जातात, जे केल्यानं भगवान विष्णू प्रसन्न होतात असं मानलं जातं.

या दिवशी राशीनुसार काय उपाय करावेत ते पाहूया. मेष राशीच्या लोकांनी भगवान विष्णूला प्रसन्न करण्यासाठी लाल फुलं वाहावीत. वृषभ राशीच्या लोकांनी पांढऱ्या वस्तूंचं दान करावं, यामुळे सुख आणि समृद्धी येते असं मानलं जातं. मिथुन राशीच्या लोकांनी भगवान विष्णूला हिरवं वस्त्र अर्पण करावं, यामुळे भगवान प्रसन्न होतात असं सांगितलं जातं. कर्क राशीच्या लोकांनी विष्णू आणि लक्ष्मीला खीर अर्पण करावी, यामुळे घरात आनंद नांदतो असं सांगितलं जातं.

सिंह राशीच्या लोकांनी भगवान विष्णूला पिवळं वस्त्र अर्पण करावं आणि स्वतःही पिवळे कपडे घालावेत, यामुळे भगवान प्रसन्न होतात असं म्हटलं जातं. कन्या राशीचे लोक जर आर्थिक अडचणीत असतील तर त्यांनी भगवान विष्णूला प्रसन्न करण्यासाठी पांढऱ्या मिठाईसोबत केशराचा नैवेद्य दाखवावा. तूळ राशीच्या लोकांनी पांढऱ्या वस्तूंचं दान करावं, यामुळे वैवाहिक आयुष्यात प्रेम वाढतं आणि शुभ फळ मिळतं असं मानलं जातं. वृश्चिक राशीच्या लोकांनी नोकरी-धंद्यात यश मिळावं यासाठी गुळाचं दान करावं, यामुळे भगवान नारायणाचा आशीर्वाद सदैव त्यांच्यावर टिकून राहील असं सांगितलं जातं.

धनु राशीच्या लोकांनी परिवर्तिनी एकादशीला भगवान विष्णूचा आशीर्वाद मिळवण्यासाठी पिवळे कपडे आणि पिवळं चंदन दान करावं, तसंच पिवळी फळंही दान करावीत. मकर राशीच्या लोकांनी भगवान हरीला दही आणि वेलची अर्पण करावी, यामुळे भगवान विष्णूचा आशीर्वाद मिळेल असं मानलं जातं. कुंभ राशीच्या लोकांनी पिंपळाच्या झाडाखाली तिळाच्या तेलाचा दिवा लावावा, यामुळे भगवान प्रसन्न होतो असं मानलं जातं. मीन राशीच्या लोकांनी गरिबांची सेवा करून त्यांना दान द्यावं आणि भगवान विष्णूला साखरेचा नैवेद्य दाखवावा, असं सांगितलं जातं.