अपूर्वा नेमळेकर हिचा निळ्या साडीतील गणेशोत्सव लूक चाहत्यांच्या पसंतीस, मंगळसूत्र लक्षवेधी

गणेशोत्सव सुरू झाला की घरोघरी एक वेगळंच वातावरण तयार होतं. सामान्य माणसांपासून ते मोठमोठ्या कलाकारांपर्यंत सगळेच बाप्पाच्या स्वागताची तयारी करतात. रात्रीस खेळ चाले या मालिकेमुळे ओळखीच्या झालेल्या अभिनेत्री अपूर्वा नेमळेकर हिनेही यंदा घरी बाप्पाची स्थापना केली आहे. तिने बाप्पासोबतचे काही फोटो इन्स्टाग्रामवर शेअर केले असून ते पाहून चाहत्यांनी लाईक्स आणि कमेंट्सचा अगदी पाऊस पाडला आहे. या फोटोंमध्ये अपूर्वा एकदम साधी, सुंदर आणि पारंपरिक मराठमोळ्या पद्धतीत दिसते आहे.

गणेशोत्सवासाठी अपूर्वाने निळ्या रंगाची अगदी साधी पण तितकीच देखणी साडी नेसली होती. या साडीत तिचं सौंदर्य खुलून दिसत होतं. तिने कुठलाही जास्तीचा मेकअप केला नव्हता, उलट अगदी सध्या लूक ठेवला होता. सणाच्या दिवशी पारंपरिक कसं दिसावं, याचं ती उत्तम उदाहरण ठरते आहे. सध्या सोशल मीडियावर सगळेजण तिच्या याच निळ्या साडीबद्दल बोलत आहेत.

अपूर्वाच्या चेहऱ्यावर हलकासा मेकअप, कपाळावर छोटीशी टिकली आणि गोड हसू दिसत होतं. आजकाल मुली सणाच्या दिवशीही खूप जड मेकअप करतात, पण अपूर्वाने मात्र नैसर्गिक सौंदर्यालाच जास्त महत्त्व दिलं. बाप्पा घरी आल्याचा आनंद तिच्या चेहऱ्यावर स्पष्ट दिसत होता. तिच्या फोटोंमध्ये भक्तिभाव आणि सणाचा उत्साह दोन्ही एकत्र दिसून येत होते.

या संपूर्ण लूकमध्ये सगळ्यात जास्त लक्ष वेधून घेतलं ते तिच्या गळ्यातल्या मंगळसूत्राने. निळ्या साडीवर घातलेलं पारंपरिक मराठमोळं मंगळसूत्र एकदम उठून दिसत होतं. अनेक महिलांनी कमेंट करून हे मंगळसूत्र नेमकं कुठून घेतलं, अशी विचारणा केली आहे. तिच्या साडीशी दागिन्यांची मॅचिंगही एकदम परफेक्ट जमली होती. जास्त दागिने न घालता गरजेपुरतेच दागिने घातल्यामुळे लूक सुंदर आणि सोबर वाटत होता.

अपूर्वाने फक्त स्वतःचे फोटो शेअर केले नाहीत, तर बाप्पासोबतचेही काही सुंदर फोटो पोस्ट केले आहेत. घरातल्या गणरायासमोर उभं राहून तिने हे फोटो काढले आहेत. बाप्पासमोर हात जोडून उभी असलेली अपूर्वा पाहून तिची भक्ती स्पष्टपणे जाणवते.

दरवर्षी ती गणेशोत्सव मोठ्या उत्साहात साजरा करते. कुटुंबासोबत वेळ घालवणं आणि बाप्पाची पूजा करणं याला ती खूप महत्त्व देते. तिच्या फोटोंमधून घरच्या गणपतीचा साधा आणि सुंदर उत्सव पाहायला मिळतो.

अपूर्वा सोशल मीडियावर नेहमीच सक्रिय असते आणि आयुष्यातले अनेक क्षण चाहत्यांसोबत शेअर करत असते. पण यंदाचा तिचा हा गणेशोत्सवाचा मराठमोळा लूक चाहत्यांना विशेष आवडला आहे. अनेक जणींनी तर असंही म्हटलं आहे की गणपतीसाठी साडी नेसायची आयडिया आपण तिच्याकडूनच घ्यायला हवी. एकूणच, निळ्या साडीतल्या अपूर्वाने या गणेशोत्सवात सगळ्यांचं लक्ष वेधून घेतलं आहे.