देऊळगाव राजा येथे जागतिक जेष्ठ नागरिक दिन साजरा

देऊळगाव राजा येथील विरंगुळा भवनात आज जागतिक जेष्ठ नागरिक दिन साजरा करण्यात आला. देऊळगाव राजा तालुका सेवानिवृत्त कर्मचारी संघटना, जेष्ठ नागरिक संघटना देऊळगाव राजा, तालुका विधी सेवा समिती आणि वकील संघ यांनी मिळून हा कार्यक्रम आयोजित केला होता. चार संस्था एकत्र आल्याने कार्यक्रमाला चांगली गर्दी झाली होती.

कार्यक्रमाच्या अध्यक्षस्थानी गोविंदराव अहिरे होते. प्रमुख पाहुणे म्हणून सेवानिवृत्त कर्मचारी संघटनेचे अध्यक्ष बळीराम मापारी, माजी नगराध्यक्षा सरस्वती टेकाळे, छबुराव भावसार, ॲड. घनश्याम भाला, अरुण लताड, प्रा. विनायक कुळकर्णी, प्रा. अशोक डोईफोडे, प्रा. विजय रायमुल, सागर गुजर आणि मुके साहेब उपस्थित होते. दिवाणी व फौजदारी न्यायालयाचेही प्रतिनिधित्व कार्यक्रमात होते.

पंडितराव पाथरकर, रमेश नरोडे, प्रकाश अहिरे, गोविंदराव बोरकर, राम चौधरी, अनिल कुळकर्णी, बाबुलाल शिवरकर, अरुण सपाटे, बालाजी गोरे, मारोतराव भालेराव, श्रीकांत कुळकर्णी, शेख कदीर, शेख महमूद, कारभारी सोसे, गणेश देशपांडे, रामदास भोलणकर आणि इतर मान्यवरही या वेळी हजर होते.

कार्यक्रमात उपस्थित मान्यवरांनी जेष्ठ नागरिकांच्या समस्या मांडल्या. या समस्या प्रशासनाने सोडवाव्यात, अशी मागणी त्यांनी केली.

याच कार्यक्रमात स्व. रामराव दंदाले यांना भावपूर्ण श्रद्धांजली वाहण्यात आली. तसेच राजमाता जिजाऊ जेष्ठ नागरिक संघटना बहुउद्देशीय सेवा संघ, देऊळगाव राजा याची नवीन कार्यकारिणी निवडण्यात आली.

कार्यक्रमाचे संचालन प्रकाश अहिरे यांनी केले, तर सचिव गोविंदराव बोरकर यांनी आभार मानले. राष्ट्रगीताने कार्यक्रमाची सांगता झाली.