चौथ्या टी-20 मध्ये न्यूझीलंडचा भारतावर 87 रन्सनी विजय, ग्लेन फिलिप्सचे शतक

भारत आणि न्यूझीलंड यांच्यातला चौथा टी-20 सामना आज पार पडला. या सामन्यात भारतीय संघाचा 87 रन्सनी पराभव झाला आहे. प्रथम फलंदाजी करताना न्यूझीलंडने 20 ओव्हर्समध्ये 259 रन्स केल्या आणि भारतासमोर 260 रन्सचे टार्गेट ठेवले. म्हणजेच भारतासमोर रन्सचा मोठा डोंगर उभा होता.

न्यूझीलंडच्या डावात ग्लेन फिलिप्सने शानदार शतकी खेळी केली. त्याने भारतीय गोलंदाजांची चांगलीच धुलाई केली. दुसरीकडे जेकब डफीने चार विकेट्स घेऊन भारताच्या फलंदाजीला खिंडार पाडले.

न्यूझीलंडच्या डावाची सुरुवात टिम सेफर्ट आणि फिन ऍलन यांनी केली. मयंक यादवने आपल्या पहिल्या षटकाच्या सहाव्या चेंडूवर सेफर्टला बाद करून भारताला पहिले यश मिळवून दिले. सेफर्टने 5 चेंडूंमध्ये 3 धावा केल्या. त्यानंतर मयंक यादवने एका अचूक यॉर्करवर डॅरिल मिचेलला पायचीत (LBW) केले. मिचेलने रिव्ह्यू घेतला, पण चेंडू थेट त्याच्या बॅकफूटला लागल्याने पंचांचा निर्णय कायम राहिला. मिचेलने अवघ्या 9 चेंडूंमध्ये 2 चौकार आणि 2 षटकारांसह 24 धावा केल्या होत्या.

259 रन्सचा पाठलाग करताना भारताची सुरुवात चांगली झाली नाही. संजू सॅमसन आणि अभिषेक शर्मा भारताकडून डावाची सुरुवात करायला आले. सॅमसन केवळ 4 रन्स करून आउट झाला. मागच्या सामन्यात वैभव सूर्यवंशी चांगल्या फॉर्ममध्ये दिसला होता, तरी आज त्याला वगळून ईशान किशनला संधी देण्यात आली. पण किशन शून्यावर आउट झाला.

तिलक वर्मा 35 रन्स करून आउट झाला. त्यानंतर कर्णधार श्रेयस अय्यर मैदानात आला आणि त्याने 22 रन्सची आक्रमक खेळी केली, पण मोठा फटका मारायच्या नादात तो आउट झाला. अभिषेक शर्मा 15 बॉलमध्ये 27 रन्स करून बाद झाला. अक्षर पटेल 7 रन्सवर आणि नितीश कुमार रेड्डी 21 रन्सवर आउट झाला. नमन धीरने 28 रन्सची आक्रमक खेळी केली, तर अर्शदीप सिंग शून्यावर आउट झाला. अखेर भारताचा डाव संपला आणि संघाला हा पराभव स्वीकारावा लागला.

भारताची प्लेइंग 11 अशी होती: अभिषेक शर्मा, संजू सॅमसन (विकेटकीपर), ईशान किशन, श्रेयस अय्यर (कर्णधार), तिलक वर्मा, नितीश कुमार रेड्डी, नमन धीर, अक्षर पटेल, अर्शदीप सिंग, मयंक यादव आणि प्रिन्स यादव.

न्यूझीलंडचा संघ असा होता: फिन ऍलन, टिम सेफर्ट (विकेटकीपर), डॅरिल मिचेल, ग्लेन फिलिप्स, बेव्हॉन जेकब्स, मायकल ब्रेसवेल, मिचेल सँटनर (कर्णधार), नॅथन स्मिथ, ऍडम मिल्ने, जेकब डफी आणि मॅथ्यू फिशर.