Allu Arjun: भारतीय सिनेमाला ग्लोबल ओळख मिळवून देण्याच्या दिशेने मोठं पाऊल; 'राका'ची गिनीज वर्ल्ड

दाक्षिणात्य सुपरस्टार अल्लू अर्जुन यांची क्रेझ आता फक्त दक्षिण भारतापुरती उरलेली नाही. 'पुष्पा' सिरीजने त्यांना देशभरात एक वेगळी ओळख मिळवून दिली आणि आता त्यांच्या आगामी सिनेमामुळे भारतीय सिनेमा पुन्हा एकदा जगभर चर्चेत आला आहे.

अल्लू अर्जुन यांचा येणारा सिनेमा 'राका' गिनीज वर्ल्ड रेकॉर्ड्समध्ये दाखल झाल्याचं समोर आलं आहे. भारतीय सिनेमाला जागतिक स्तरावर नेण्याच्या अल्लू अर्जुन यांच्या प्रवासातला हा आणखी एक मोठा टप्पा मानला जातोय. या रेकॉर्डमुळे भारतीय सिनेमाकडे बघण्याचा जगाचा दृष्टिकोन आणखी बदलेल, असं मानलं जात आहे.

'राका' हा मोठ्या बजेटमध्ये, मोठ्या स्केलवर बनत असलेला सिनेमा असल्याचं सांगितलं जातंय. गिनीज वर्ल्ड रेकॉर्ड्समध्ये या सिनेमाची नोंद झाल्यानं चाहत्यांमध्ये सध्या प्रचंड उत्साह दिसतोय. सिनेमाच्या भव्यतेबद्दल आधीपासूनच चर्चा सुरू होती, आणि आता या नोंदीमुळे ती चर्चा आणखी वाढली आहे.

या निमित्तानं अल्लू अर्जुन यांनी सोशल मीडियावर स्वतःचा एक फोटो पोस्ट केला. या फोटोत ते क्लासी ब्लॅक बंदगला आणि त्याच रंगाच्या ट्राउझर्समध्ये दिसत आहेत. त्यांच्या या लूकचीही सध्या सोशल मीडियावर चांगलीच चर्चा रंगली आहे. चाहते या फोटोवर मोठ्या प्रमाणात प्रतिक्रिया देत आहेत.

गेल्या काही वर्षांत अल्लू अर्जुन यांनी आपल्या सिनेमांच्या जोरावर भारतीय सिनेमा मोठ्या प्रेक्षकवर्गापर्यंत पोहोचवला आहे. 'पुष्पा' फ्रँचायझीच्या यशानंतर त्यांची लोकप्रियता जागतिक पातळीवरही वाढली. आता 'राका'ला गिनीज वर्ल्ड रेकॉर्ड्समध्ये मिळालेल्या स्थानामुळे भारतीय सिनेमाला जागतिक बाजारपेठेत नेण्याच्या त्यांच्या प्रयत्नांना आणखी बळ मिळालं आहे.

'राका'चं दिग्दर्शन एटली करत आहेत. सिनेमाबद्दल अजून फारशी माहिती बाहेर आलेली नाही, पण अल्लू अर्जुन यांच्या नव्या लूकचं पोस्टर आल्यापासून सिनेमाची चर्चा जोरात सुरू झाली आहे. या पोस्टरमध्ये अल्लू अर्जुन एका वेगळ्या अंदाजात दिसले, त्यामुळे सिनेमाची कथा आणि त्यांची भूमिका याबद्दल चाहत्यांमध्ये उत्सुकता वाढली आहे. सिनेमाच्या प्रत्येक अपडेटकडे चाहत्यांचं बारीक लक्ष आहे.

'राका' सोबतच अल्लू अर्जुन यांच्या इतर आगामी सिनेमांचीही प्रेक्षक आतुरतेनं वाट पाहत आहेत. दिग्दर्शक लोकेश कनगराज यांच्यासोबतचा बहुचर्चित 'AA23' हा सिनेमाही त्यांच्या आगामी यादीत आहे. यासोबतच 'पुष्पा 3: द रॅम्पेज' या सिनेमाचीही सध्या चर्चा आहे. त्यामुळे पुढच्या काळात अल्लू अर्जुन अनेक मोठ्या प्रोजेक्ट्समधून पुन्हा एकदा प्रेक्षकांसमोर येणार आहेत.