५० वर्षांपूर्वीचा पासपोर्ट सापडला, आजींच्या तरुणपणीच्या फोटोची सोशल मीडियावर चर्चा

घरातली साफसफाई करताना कधी कधी अशा काही वस्तू हाताला लागतात की जुन्या आठवणी जाग्या होतात. असंच एक किस्सा नुकताच घडला. एका तरुणीला घर आवरताना तिच्या आजीचा तब्बल ५० वर्षं जुना पासपोर्ट सापडला आणि त्यातला फोटो पाहून घरातले सगळेच चकित झाले.

हा पासपोर्ट १९७६ सालचा आहे, म्हणजे जवळपास पन्नास वर्षं जुना. पासपोर्टवर २६ नोव्हेंबर १९७६ ही तारीख आहे आणि तो १९८१ पर्यंत वैध होता. पण या पासपोर्टमध्ये सगळ्यात जास्त लक्ष वेधून घेतलं ते म्हणजे आजींचा तरुणपणीचा फोटो.

त्या काळी आजी इतक्या सुंदर दिसत होत्या की फोटो पाहून कोणाचाही विश्वास बसणार नाही, अगदी बॉलिवूड हिरोईनसारखा लूक. त्यांची हेअरस्टाईल, त्यांचं स्मित, सगळंच एकदम भारी. त्यावेळी त्या विद्यार्थी होत्या.

हा व्हिडिओ sysaeyd नावाच्या इंस्टाग्राम अकाउंटवरून पोस्ट करण्यात आला असून त्यात पूर्ण पासपोर्ट दाखवला आहे. पासपोर्टवर लखनऊचा उल्लेख आहे आणि इतक्या वर्षांनंतरही त्याची कंडिशन चांगली आहे. कमेंट्समध्ये लोकांनी आजींचं भरभरून कौतुक केलं आहे. कोणी म्हणतंय हा पासपोर्ट म्युझियममध्ये ठेवायला पाहिजे, इतका सुंदर पासपोर्ट आजपर्यंत पाहिला नाही.

हा व्हिडिओ आतापर्यंत ११ लाखांपेक्षा जास्त लोकांनी पाहिला असून त्यावर शेकडो कमेंट्स आल्या आहेत. एका युजरने लिहिलंय, आजी तुम्ही तरुणपणी खूपच सुंदर दिसत होतात. दुसरा युजर म्हणतो, मी पण लखनऊचाच आहे, तुमची आजी खूपच गोड दिसत आहेत. एका युजरला तर स्वतःच्या आजीची आठवण आली, तो म्हणाला, माझ्या आजीकडे पण पोर्तुगालचा पासपोर्ट आहे, ती गोव्याची आहे. तर एकाने लिहिलंय, आजींनी तरुणपणी नक्कीच खूप जणांची मनं जिंकली असतील.

हा व्हिडिओ बघितला की एक गोष्ट लगेच जाणवते, १९७६ सालचा पासपोर्ट आणि आताचा २०२६ सालचा पासपोर्ट यात जमीन-अस्मानाचा फरक आहे. जुना पासपोर्ट अगदी साधा होता, त्यात फक्त नाव, फोटो, तारीख आणि ठिकाण अशी बेसिक माहिती हाताने लिहिलेली होती, कसलीच जास्त सिक्युरिटी नव्हती. आजच्या पासपोर्टमध्ये मात्र मशीन रीडेबल कोड, चिप, ई-पासपोर्ट सुविधा आणि डिजिटल फोटो अशा अनेक सिक्युरिटी फीचर्सचा समावेश आहे.

पण त्या जुन्या पासपोर्टमध्ये एक वेगळीच गोष्ट होती, एक आठवण होती. तो नुसता कागद नव्हता, तर एक काळ होता, जेव्हा लोक परदेशात जाणं ही खूप मोठी गोष्ट मानायचे. हा पासपोर्ट म्हणजे फक्त एक कागद नाही, तर आजींच्या तरुणपणाची आणि त्यांच्या स्वप्नांची आठवण आहे. पन्नास वर्षांपूर्वी त्या काय विचार करत असतील, कुठे जायचं प्लॅन करत असतील, हे सगळं त्या पासपोर्टमध्ये दडलेलं आहे. म्हणूनच लोक म्हणतायत, हा पासपोर्ट खरंच म्युझियममध्ये ठेवण्यासारखा आहे, कारण तो फक्त आजींचा नाही तर त्या काळाचा एक पुरावा आहे.