१० ऑक्टोबरला शनिचरी आणि सर्वपित्री अमावस्या एकत्र; पाच राशींना सावधगिरीचा सल्ला

शनिवार, १० ऑक्टोबर रोजी शनिचरी अमावस्या आहे. विशेष म्हणजे याच दिवशी सर्वपित्री अमावस्याही आली आहे. शनि अमावस्या आणि सर्वपित्री अमावस्या एकाच दिवशी येण्याचा हा योग ३१ वर्षांनंतर जुळून आला आहे. या योगाला महासंयोग असेही म्हटले जाते.

या दिवशी भगवान शनिची पूजा केली जाते आणि शनिशी संबंधित वस्तूंचे दान केले जाते. असे केल्याने साडेसाती आणि धैय्यापासून मुक्ती मिळते, तसेच त्यांच्याशी संबंधित दुःखही कमी होते, असे मानले जाते. काही वस्तूंचे दान या दिवशी फायदेशीर मानले जाते.

शनि अमावस्येच्या दिवशी काही राशींच्या लोकांनी सावधगिरी बाळगणे गरजेचे आहे, असे सांगितले जात आहे. अन्यथा कोणीतरी त्यांची फसवणूक करू शकते किंवा एखादे गुपित उघड होऊ शकते. कोणत्या राशींनी काळजी घ्यावी, ते खाली दिले आहे.

मेष रास : या राशीच्या लोकांना इतरांकडून विश्वासघात होण्याची शक्यता आहे. तुम्ही ज्याच्यावर विश्वास ठेवला आहे, ती व्यक्ती तुमचा गैरफायदा घेत असू शकते. इतरांच्या प्रभावाखाली येऊन चुकीचे निर्णय होऊ शकतात, त्यामुळे आपले निर्णय आपणच घ्यावेत. गुंतवणुकीच्या बाबतीतही दुसऱ्यावर अवलंबून न राहता स्वतः चौकशी करणे उत्तम.

कर्क रास : कोणतीही गोष्ट शेअर करताना या राशीच्या लोकांनी काळजी घ्यावी. गुपिते उघड होण्याचा धोका असतो आणि त्यातून वाद निर्माण होऊ शकतो. धूर्त लोकांपासून सावध राहावे. खूप घाई केल्यास नुकसान होईल.

वृश्चिक रास : या राशीच्या व्यक्तींनी आपल्या कामावर लक्ष केंद्रित करून सतर्क राहावे. कामाच्या ठिकाणी कोणीतरी तुमच्या बॉसला तुमच्या विरोधात भडकवू शकते. इतरांविषयी बोलताना खूप सावधगिरी बाळगण्याची गरज आहे. वाईट लोकांच्या संगतीमुळे नुकसान होऊ शकते.

मकर रास : मकर राशीच्या व्यक्तींना शनी अमावस्येच्या दिवशी एकटेपणा जाणवू शकतो. मन कमजोर होऊ देऊ नये, नाहीतर नकारात्मकतेच्या भोवऱ्यात अडकण्याची शक्यता आहे. कुटुंबात मतभेद निर्माण होऊ शकतात, राग आणि चिडचिड वाढू शकते. अशा वेळी बोलण्यावर आणि वागण्यावर नियंत्रण ठेवावे. कामात प्रामाणिक राहावे, अन्यथा नोकरी धोक्यात येऊ शकते.

मीन रास : या राशीच्या लोकांना बोलण्यात आणि वागण्यात संयम बाळगण्याची गरज आहे. मानसिक विकार आणि समस्या त्रास देऊ शकतात. या काळात कोणतेही नवीन काम हाती घेणे टाळावे, कारण त्यात अडथळे येण्याची शक्यता आहे. अशा वेळी वरिष्ठांचा आणि अनुभवी लोकांचा सल्ला घेता येईल.

धर्म, ज्योतिष, वास्तु, फेंगशुई इत्यादी विषयांवरील लेख आणि बातम्या केवळ वाचकांच्या माहितीसाठी आहेत. यासंबंधी कोणताही प्रयोग करण्यापूर्वी तज्ज्ञांचा सल्ला आवश्यक आहे.