पुण्यात ISIA कार्यशाळा: भारत-स्वीडन क्लीन टेक्नॉलॉजी सहकार्याला चालना

पुणे, २८ ऑक्टोबर २०२६: इंडिया-स्वीडन इनोव्हेशन्स ॲक्सिलरेटर (ISIA) ने आपली २८ वी कार्यशाळा आज पुण्यात आयोजित केली. उद्योगक्षेत्रातील प्रमुख, तंत्रज्ञान पुरवठादार आणि शाश्वतता तज्ज्ञ यावेळी एकत्र आले. भारतात नवनवीन क्लीन टेक्नॉलॉजी कशा वापरात आणता येतील, याची चाचपणी करणे हा या कार्यशाळेचा उद्देश होता.

ISIA हा भारत आणि स्वीडन यांच्यातील क्लीनटेक व हरित ऊर्जा सहकार्याला चालना देणारा द्विपक्षीय उपक्रम आहे. त्याला Swedish Energy Agency चे पाठबळ आहे, तर Business Sweden - The Swedish Trade and Invest Council आणि Confederation of Indian Industry - Green Business Centre (CII-GBC) यांच्या भागीदारीतून तो राबवला जातो. स्वीडिश क्लीनटेक कंपन्यांना भारतीय बाजारपेठेत प्रवेश मिळवून देणे आणि भारतीय उद्योगांना सिद्ध झालेली शाश्वत तंत्रज्ञाने तपासून स्वीकारण्यास मदत करणे, असे या कार्यक्रमाचे काम आहे.

कार्यशाळेत ६० हून अधिक भारतीय कंपन्यांचे आणि ७ स्वीडिश क्लीनटेक कंपन्यांचे प्रतिनिधी सहभागी झाले. ऊर्जा साठवण, संसाधन कार्यक्षमता, स्वच्छ ऊर्जा, जल व्यवस्थापन, IoT आणि डिजिटल सोल्यूशन्स, तसेच ग्रीन प्रोपल्शनसह क्लीन मोबिलिटी या क्षेत्रांतील नवीन उपाय सहभागी कंपन्यांनी मांडले.

सुरुवातीपासून आतापर्यंतच्या कामगिरीचा आढावा असा: ८० हून अधिक प्रगत क्लीन टेक्नॉलॉजी भारतीय बाजारपेठेत आणल्या गेल्या, विविध क्षेत्रांत २५० हून अधिक पायलट आणि व्यावसायिक प्रकल्प शक्य झाले, ५० हून अधिक उद्योग भागीदाऱ्या घडवून आणल्या गेल्या आणि १,५०० हून अधिक भारतीय भागधारकांशी संपर्क साधला गेला.

पुढील वर्षी ISIA भारत-स्वीडन सहकार्याची १५ वर्षे साजरी करणार आहे. नवीकरणीय ऊर्जा आणि हरित तंत्रज्ञानाच्या प्रगतीसाठी, नवकल्पनांना चालना देण्यासाठी आणि दोन्ही देशांच्या नेट-झिरो भविष्याकडील वाटचालीसाठी असलेली ही दीर्घकालीन बांधिलकी यातून दिसते. यापुढे अधिक भागीदाऱ्या घडवणे, अधिक स्वीडिश कंपन्यांना भारतात स्थानिक पातळीवर पाय रोवण्यास मदत करणे आणि भारताच्या ऊर्जा परिवर्तनावर अधिक प्रभाव टाकणे, असे उद्दिष्ट ISIA ने ठेवले आहे.

नवकल्पना, तंत्रज्ञान, व्यापार आणि गुंतवणूक यांवर भर देत भारत आणि स्वीडन आपली Strategic Partnership अधिक घट्ट करत असतानाच हा टप्पा गाठला गेला आहे. स्वीडनचे क्लीन टेक्नॉलॉजीतील कौशल्य आणि भारताची महत्त्वाकांक्षा व व्याप्ती यांची सांगड घालणारे ऊर्जा हे महत्त्वाचे क्षेत्र आहे. ISIA १५ व्या वर्षाकडे जाताना हे मजबूत द्विपक्षीय नाते नव्या व्यावसायिक भागीदाऱ्या, स्थानिक गुंतवणूक आणि भारताच्या ऊर्जा परिवर्तनासाठी व्यावहारिक उपायांत रूपांतरित करण्यावर लक्ष असेल.

कार्यशाळेची सुरुवात Pranati Shroff Munot यांच्या स्वागतपर भाषणाने झाली. त्या Indian Green Building Council (IGBC) च्या पुणे चॅप्टरच्या कोअर कमिटी सदस्य आणि Sustain and Save च्या संचालक आहेत. व्यवसायाच्या पद्धतींमध्ये शाश्वतता रुजवणे, संसाधन कार्यक्षमता वाढवणे आणि पर्यावरणपूरक उपाय पुढे नेणे यांचे महत्त्व त्यांनी अधोरेखित केले. शाश्वत विकासाला चालना देण्यात आणि उद्योग व बांधकाम क्षेत्रात हरित पद्धतींचा स्वीकार वेगाने होण्यात सहकार्य व नवतंत्रज्ञानाची भूमिका मोठी असल्याचेही त्यांनी सांगितले.

Swedish Energy Agency चे Senior Business Developer (International Market Development and Investment) Nils Henoch यांनी थीम अॅड्रेस दिला. ISIA आणि Industry Transition Partnership (ITP) सारख्या कार्यक्रमांतून क्लीन टेक्नॉलॉजी व शाश्वत विकासातील भारत-स्वीडन सहकार्य बळकट करण्याचे महत्त्व त्यांनी मांडले. ऊर्जा परिवर्तनात स्वीडनने घेतलेल्या अग्रणी भूमिकेवर आणि दोन्ही देशांतील सहकार्य सुरू राहण्याच्या निकडीवर त्यांनी भर दिला.

Business Sweden चे Trade Commissioner Erik Odar यांनी विशेष भाषणात भारत-स्वीडन व्यापार आणि गुंतवणूक भागीदारी मजबूत करण्याचे महत्त्व सांगितले. भारताने २०७० पर्यंत नेट झिरो गाठण्याचे ध्येय ठेवले आहे आणि स्वीडन हा क्लीन एनर्जी तंत्रज्ञानाचा पुरवठादार म्हणून सक्षम आहे, त्यामुळे सहकार्याची तातडी आहे, असे ते म्हणाले. दीर्घकालीन विचार करणे, स्थानिक पातळीवर गुंतवणूक करणे आणि मजबूत स्थानिक भागीदाऱ्या उभारणे यांचे महत्त्वही त्यांनी अधोरेखित केले.

समारोपाच्या भाषणात CII-Green Business Centre चे Principal Counsellor Dinesh Ghai यांनी शाश्वततेची उद्दिष्टे सिद्ध तंत्रज्ञान आणि मजबूत उद्योग भागीदाऱ्यांमार्फत प्रत्यक्ष कृतीत उतरवण्यावर भर दिला. चर्चेतून पुढे जाऊन अर्थपूर्ण सहकार्य शोधावे, असे आवाहन त्यांनी सहभागींना केले.

कार्यशाळेत C-Green, Drupps, ECAPS, Elonroad, Enclima Solutions, Holyvolt आणि PipeGuard यांची तांत्रिक सादरीकरणे झाली. भारताच्या औद्योगिक आणि ऊर्जा परिवर्तनाच्या गरजांशी सुसंगत स्वीडिश क्लीनटेक उपाय त्यातून दाखवले गेले. त्यानंतर संवादात्मक सत्रे आणि चर्चा झाल्या, ज्यात तंत्रज्ञान स्वीकार, व्यावसायिक भागीदारी आणि संयुक्त उपक्रमांच्या संधी तपासल्या गेल्या.

या कार्यक्रमाचे एक मुख्य वैशिष्ट्य म्हणजे नियोजित B2B बैठका. स्वीडिश तंत्रज्ञान पुरवठादार आणि भारतीय उद्योग प्रतिनिधी यांना थेट भेटून पायलट प्रकल्प, व्यावसायिक भागीदारी आणि दीर्घकालीन सहकार्याची चाचपणी करता आली. याच कार्यशाळेत ECAPS आणि PipeGuard यांनी India-Sweden Innovations Accelerator (ISIA) कार्यक्रमातून पदवी (ग्रॅज्युएशन) पूर्ण केली. भारतीय बाजारपेठेत संधी शोधण्यात आणि तिथे आपले अस्तित्व निर्माण करण्यात त्यांनी केलेल्या प्रगतीची ही दखल आहे.

स्वीडिश नवकल्पना आणि भारतातील औद्योगिक परिसंस्था यांना जोडण्याची ISIA ची भूमिका महत्त्वाची ठरत आहे. शाश्वत वाढ, औद्योगिक डीकार्बनायझेशन आणि कमी कार्बनचे भविष्य यासाठी दोन्ही देशांची समान बांधिलकी त्यातून अधिक दृढ होत आहे.