मुंबई विमानतळाच्या टर्मिनल 2 बाहेर फॉल्स सीलिंगचा भाग कोसळला, एक जण जखमी

रविवारी सकाळी मुंबईतील छत्रपती शिवाजी महाराज आंतरराष्ट्रीय विमानतळाच्या (CSMIA) टर्मिनल 2 च्या बाहेर असलेल्या फॉल्स सीलिंगचा काही भाग कोसळला. या घटनेत विमानतळावर आलेली एक व्यक्ती जखमी झाल्याचे सांगितले जाते.

विमानतळ प्रशासनाने सांगितले की, जखमी व्यक्तीला किरकोळ दुखापत झाली आहे. विमानतळावरील आपत्कालीन वैद्यकीय पथकाने त्या व्यक्तीला तत्काळ वैद्यकीय मदत दिली, असेही प्रशासनाने सांगितले.

CSMIA च्या प्रवक्त्यांनी निवेदनात म्हटले आहे: "रविवारी मुंबई विमानतळाच्या टर्मिनल 2 बाहेरील फॉल्स सीलिंगचा एक छोटा भाग पडला, त्यामुळे एका पाहुण्याला किरकोळ दुखापत झाली. विमानतळाच्या आपत्कालीन वैद्यकीय पथकाने तातडीने धाव घेऊन आवश्यक ती मदत केली."

सीलिंगचा भाग नेमका कशामुळे कोसळला, हे शोधण्यासाठी घटनेची चौकशी सुरू असल्याचे विमानतळ प्रशासनाने सांगितले.

जखमी व्यक्तीबद्दलची अधिक माहिती तसेच ही घटना कोणत्या परिस्थितीत घडली, याचे तपशील लगेच उपलब्ध झाले नाहीत.