दिल्लीत स्वस्तात शॉल हवी? या 5 मार्केटमध्ये 100 ते 300 रुपयांत मिळतील ट्रेंडी पर्याय

शॉपिंगला कोण नाही म्हणतं, त्यातही महिलांना तर शॉपिंगची विशेष आवड असते. पण रोज तेच तेच कपडे घेऊन कधीतरी कंटाळा येतोच आणि मग काहीतरी वेगळं घ्यावंसं वाटतं. शॉल ही अशीच एक वस्तू आहे जी प्रत्येक महिलेच्या वॉर्डरोबमध्ये हवीच असते. ऑफिसला जायचं असो, कुठल्या पार्टीला जायचं असो किंवा नुसतंच थंडीपासून बचाव करायचा असो, चांगली शॉल कुठेही उपयोगी पडते.

पण अडचण अशी असते की चांगली शॉल घ्यायची म्हटलं की हजार-बाराशे रुपये सहज खर्च होतात, आणि म्हणून अनेक जणी शॉल घ्यायचा विचार सोडून देतात. मात्र दिल्लीत अशी काही मार्केट आहेत जिथे अगदी 100 ते 300 रुपयांत ट्रेंडी आणि उबदार शॉल मिळून जाते. कुठली आहेत ही मार्केट, ते पाहूया.

पहिलं नाव येतं ते चांदनी चौकचं. दिल्लीत शॉपिंगसाठी चांदनी चौक हे सगळ्यात आधी आठवणारं ठिकाण आहे. इथे मिळणार नाही अशी गोष्टच नाही. शॉलसाठी तर हे सगळ्यात बेस्ट ठिकाण मानलं जातं. इथे उबदार आणि स्टायलिश अशा दोन्ही प्रकारच्या शॉल सहज मिळतात. खास गोष्ट म्हणजे इथे शॉलची सुरुवातच 100 रुपयांपासून होते आणि या किमतीतही चांगले स्टोल मिळतात. जरा घासाघीस केली तर आणखी स्वस्तात मिळू शकते. गर्दी प्रचंड असते, पण कलेक्शनही तितकंच दर्जेदार असतं.

दुसरं ठिकाण म्हणजे लाजपत नगर मार्केट. पश्मिना शॉल किंवा कॉटनचे स्टोल हवे असतील तर इथे नक्की जायला हवं. इथे डिझायनर शॉल खूपच कमी किमतीत मिळतात, नक्षीकाम केलेल्या आणि एम्ब्रॉयडरी असलेल्या शॉलही सहज सापडतात. 200 ते 400 रुपयांत सुंदर शॉल मिळू शकते. याशिवाय हिवाळ्यासाठी स्कार्फ, श्रग्स आणि इतर गरम कपडेही इथे स्वस्तात मिळतात. कॉलेजला जाणाऱ्या मुलींसाठी हे मार्केट एकदम परफेक्ट मानलं जातं.

तिसरं ठिकाण म्हणजे पालिका बाजार, जे दिल्लीतलं फेमस अंडरग्राउंड मार्केट आहे. फॅशनच्या बाबतीत इथे नेहमी लेटेस्ट ट्रेंड मिळतो आणि शॉलच्या बाबतीतही तेच आहे. 200 ते 300 रुपयांत इथे ऑफिस वेअर आणि पार्टी वेअरसाठी योग्य अशा शॉल मिळतात. यातले रंग आणि डिझाईन इतके सुंदर असतात की ऑफिसपासून लग्नापर्यंत कुठेही घालता येतात. थोडं शोधावं लागतं, पण एकदा चांगलं दुकान सापडलं की 2-3 शॉल नक्की घेता येतात.

चौथं ठिकाण म्हणजे सीलमपूर मार्केट. याबद्दल फार जणांना माहिती नसते, पण शॉलसाठी हे मार्केट खूप चांगलं आहे. इथे होलसेल भावात कपडे मिळत असल्यामुळे रिटेलमध्येही खूप स्वस्त मिळतात. इथे स्टोल आणि शॉलचे अनेक प्रकार पाहायला मिळतात आणि शॉलची सुरुवात 150 रुपयांपासून होते. याशिवाय महिलांसाठी ड्रेसेस, कुर्त्या आणि इतर कपडेही अगदी कमी किमतीत मिळतात. बजेटमध्ये शॉपिंग करायची असेल तर सीलमपूर हा उत्तम पर्याय आहे.

पाचवं आणि शेवटचं ठिकाण म्हणजे मजनू का टिला. हे मार्केट तिबेटी लोकांचं असल्यामुळे इथे गरम कपड्यांचं कलेक्शन एक नंबर असतं. शॉल, स्टोल, जॅकेट, लोकरीचे श्रग्स, टॉप, फ्रॉक, मफलर असं सगळं इथे मिळतं आणि इथले डिझाईन एकदम वेगळे आणि युनिक असतात. मार्केटमध्ये जी शॉल साधारण 800 रुपयांना मिळते, तीच शॉल इथे 300 ते 400 रुपयांत मिळून जाते. क्वालिटीही चांगली असते आणि उबदारपणाही भरपूर असतो. या हिवाळ्यात महागडी शॉल घेण्याऐवजी या मार्केटला भेट दिली तर 500 रुपयांत आरामात 2 ते 3 शॉल घेता येतात.