चंद्रपूर शहर पोलीस स्टेशनच्या हद्दीत जुगार अड्डा सुरू असल्याची चर्चा, नवीन ठाणेदार लक्ष देणार का?

चंद्रपूर शहराजवळच्या आरवट परिसरात जुगार अड्डा सुरू असल्याची माहिती समोर आली आहे. आरवट मार्गावरील मुख्य रस्त्यापासून थोड्या अंतरावर हा अड्डा चालवला जात असल्याचे सांगितले जाते. स्थानिक सूत्रांनुसार शहराच्या वेगवेगळ्या भागांतून लोक तिथे येतात आणि रोज मोठी उलाढाल होते. हा अड्डा सुरू असल्याबद्दल परिसरात उघडपणे चर्चा सुरू आहे.

अजून कोणतीही कारवाई झालेली नसल्याने परिसरातील नागरिकांमध्ये नाराजी आहे. नुकताच पदभार घेतलेल्या नवीन ठाणेदारांकडून आता काय पावले उचलली जातात, याकडे परिसरातील सगळ्यांचे लक्ष लागले आहे. ठाणेदार बदलल्यानंतर तरी या अड्ड्यावर काही कारवाई होईल, अशी लोकांना अपेक्षा आहे.

मिळालेल्या माहितीनुसार या अवैध अड्ड्यावर दररोज लाखो रुपयांची उलाढाल होते. हा बेकायदेशीर धंदा बऱ्याच काळापासून सुरू असल्याची चर्चा स्थानिक पातळीवर आहे. तरीसुद्धा आतापर्यंत कुठलीच कारवाई झाली नाही, म्हणून पोलिसांच्या भूमिकेवर प्रश्न विचारले जात आहेत. नागरिकांच्या मनात याबद्दल अनेक शंका आहेत.

जुगार खेळण्यासाठी येणाऱ्यांसाठी तिथे खास व्यवस्था केल्याची माहितीही समोर येत आहे. हा सगळा प्रकार पोलिसांच्या नाकाखाली सुरू असूनही पोलीस कारवाई करायला घाबरतात की काय, असा सवाल उपस्थित झाला आहे.

हा अड्डा चंद्रपूर शहर पोलीस स्टेशनच्या हद्दीत येतो. शहर पोलीस स्टेशनचा पदभार नुकताच स्वीकारलेल्या नवीन ठाणेदारांसमोर आरवट परिसरातील हा अड्डा बंद पाडण्याचे मोठे आव्हान उभे राहिले आहे. ते हा अड्डा उद्ध्वस्त करतील का, हे येत्या काही दिवसांत स्पष्ट होईल.

गुन्हे शोध पथकाची टीम इतकी वर्षे या अड्ड्याकडे दुर्लक्ष का करत आहे, असा प्रश्नही लोक विचारत आहेत. अड्डा चालवणाऱ्याला अलिखित परवानगी तर दिली गेली नाही ना, अशी चर्चाही सध्या लोकांमध्ये सुरू आहे.

आता पोलीस या अवैध अड्ड्याची चौकशी करून धडक कारवाई करतात की नाही, याकडे सर्वांचे लक्ष आहे. पोलिसांनी आरवट परिसरातील या अड्ड्यावर तात्काळ छापा टाकून कडक कारवाई करावी, अशी तीव्र मागणी स्थानिक नागरिक करत आहेत.