नागपुरात लग्नाचे आमिष दाखवून दोन महिलांवर बलात्कार, एकाला अटक

नागपुरात लग्नाचे आमिष दाखवून महिलांची फसवणूक आणि त्यांच्यावर बलात्कार केल्याची दोन स्वतंत्र प्रकरणे समोर आली आहेत. दोन्ही प्रकरणांत पोलिसांनी गुन्हे दाखल केले असून एका आरोपीला अटक करण्यात आली आहे. पहिल्या प्रकरणातील पीडित महिला 44 वर्षांची असून ती विवाहित आहे, पण सध्या पतीपासून वेगळी राहते. शादी डॉट कॉम या वेबसाइटवर 30 जुलै 2022 रोजी तिची राजेश गोस्वामी या आरोपीशी ओळख झाली.